Міністар замежных спраў Канады Лоўрэнс Кэнан выступіў з заявай, у якой выказаў занепакоенасьць лёсам Уладзімера Някляева і іншых затрыманых актывістаў апазыцыі.
Міністар заявіў, што даручыў часоваму паверанаму ў справах Канады ў Беларусі перадаць ураду Рэспублікі Беларусь “глыбокае расчараваньне” сытуацыяй у Беларусі. Міністар выказаў занепакоенасьць лёсам затрыманых актывістаў апазыцыі, у тым ліку Уладзімера Някляева, стан якога застаецца невядомы.
“Канада выказалася ясна і пераканаўча, што асуджае рэпрэсіі супраць дэманстрантаў, у прыватнасьці, зьбіцьцё і затрыманьне многіх лідэраў апазыцыі. Мы зьяўляемся сьведкамі кроку назад, і я настойліва заклікаю ўлады Беларусі зьмяніць накірунак і адстойваць дэмакратычныя прынцыпы, паважаць правы чалавека і вяршэнства закона. Людзі Беларусі заслугоўваюць таго, каб іх голас быў пачуты без пагрозы гвалтоўнага пакараньня” – гаворыцца ў заяве.
Гэта ўжо ня першая заява міністра замежных спраў Канады пасьля прэзыдэнцкіх выбараў 19 сьнежня ў Беларусі.
Раней прадстаўнікі беларускай дыяспары ў Канадзе зьвярнуліся да канадыйскага ўраду з заклікам спрыяць спыненьню палітычных рэпрэсіяў у Беларусі.
Міністар заявіў, што даручыў часоваму паверанаму ў справах Канады ў Беларусі перадаць ураду Рэспублікі Беларусь “глыбокае расчараваньне” сытуацыяй у Беларусі. Міністар выказаў занепакоенасьць лёсам затрыманых актывістаў апазыцыі, у тым ліку Уладзімера Някляева, стан якога застаецца невядомы.
“Канада выказалася ясна і пераканаўча, што асуджае рэпрэсіі супраць дэманстрантаў, у прыватнасьці, зьбіцьцё і затрыманьне многіх лідэраў апазыцыі. Мы зьяўляемся сьведкамі кроку назад, і я настойліва заклікаю ўлады Беларусі зьмяніць накірунак і адстойваць дэмакратычныя прынцыпы, паважаць правы чалавека і вяршэнства закона. Людзі Беларусі заслугоўваюць таго, каб іх голас быў пачуты без пагрозы гвалтоўнага пакараньня” – гаворыцца ў заяве.
Гэта ўжо ня першая заява міністра замежных спраў Канады пасьля прэзыдэнцкіх выбараў 19 сьнежня ў Беларусі.
Раней прадстаўнікі беларускай дыяспары ў Канадзе зьвярнуліся да канадыйскага ўраду з заклікам спрыяць спыненьню палітычных рэпрэсіяў у Беларусі.