10 кастрычніка па ўсім сьвеце адзначаецца Сусьветны дзень барацьбы са сьмяротнай карай. Беларусь застаецца адзінай краінай у Эўропе, якая працягвае ўжываць сьмяротнае пакараньне.
10 кастрычніка па ўсім сьвеце адзначаецца Сусьветны дзень барацьбы са сьмяротнай карай. Гэтая дата заснавана па ініцыятыве Сусьветнай кааліцыі па забароне сьмяротнага пакараньня, у якую ўваходзяць больш за 38 праваабарончых арганізацый, у тым ліку "Міжнародная Амністыя", а таксама адвакацкія аб'яднаньні, прафсаюзы, мясцовыя і рэгіянальныя органы ўлады, якія аб'ядналіся, каб пазбавіць сьвет ад сьмяротнага пакараньня.
У 2010 г. Сусьветны дзень барацьбы са сьмяротнай карай адзначаецца ў восьмы раз. Гэтым разам цэнтрам увагі праваабаронцаў сталі ЗША.
У адпаведнасьці з прынятым сярод праваабаронцаў вызначэньнем, сьмяротнае пакараньне уяўляе з сябе наўмыснае пазбаўленьне жыцьця чалавека дзяржавай, і парушае права на жыцьцё, абвешчанае ва Ўсеагульнай дэклярацыі правоў чалавека.
Паводле справаздачы праваабарончай арганізацыі "Міжнародная Амністыя", апублікаванаму ў сакавіку 2010 г., у 2009 г. у 18 краінах сьвету пакаралі сьмерцю 714 чалавек; ня менш за 2001 чалавека былі прысуджаныя да вышэйшай меры пакараньня ў 56 краінах. Як адзначылі праваабаронцы, у гэтую статыстыку не ўключаны тысячы пакараньняў сьмерцю, якія з высокай доляй верагоднасьці былі праведзеныя ў Кітаі, паколькі падобныя зьвесткі там па-ранейшаму лічацца дзяржаўнай таямніцай.
Як паказалі дасьледаваньні, краіны, у якіх прысуды ўсё яшчэ прыводзяць у выкананьне, зараз зьяўляюцца хутчэй выключэньнем, чым правілам. Акрамя Кітаю, найбольшая колькасьць выпадкаў пакараньняў сьмерцю адзначаная ў Іране (дзе пакарана ня менш за 388 чалавек), Іраку (не менш за 120 чалавек), Саудаўскай Арабіі (ня менш за 69 чалавек) і ЗША (52 пакараных).
На думку праваабаронцаў, дадзеныя за 2009 г. таксама сьведчаць і аб тым, што сьвет працягвае рухацца ў кірунку поўнага адмаўленьня ад сьмяротнага пакараньня. Колькасьць краінаў, што скасавалі выключную меру пакараньня ў сваім заканадаўстве, узрасла да 95. Да іх далучыліся Бурундзі і Тога: у абодвух дзяржавах вышэйшая мера пакараньня зараз цалкам адмененая.
У 2009 г., упершыню з тых часоў, як "Міжнародная Амністыя" пачала весьці статыстыку, у Эўропе не прывялі ў выкананьне ні аднаго сьмяротнага прысуду. Беларусь застаецца адзінай краінай у рэгіёне, якая працягвае ўжываць сьмяротнае пакараньне. Нягледзячы на тое, што ў 2009 г. у Беларусі не прывялі ў выкананьне ні аднаго сьмяротнага прысуду, у сакавіку 2010 г. дзяржава пакарала сьмерцю двух чалавек.
У суседняй Расеі 16 траўня 1996 г. прэзыдэнтам РФ Барысам Ельцыным быў выдадзены ўказ "Аб паэтапным скарачэньні ўжываньня сьмяротнага пакараньня ў сувязі з уваходжаньнем Расеі ў Раду Эўропы". Са жніўня 1996 г. у адпаведнасьці з гэтым указам прысуды да сьмяротнага пакараньня ў выкананьне не прыводзяцца.
Статус спэцзапрошанага ў Парлямэнцкай Асамблеі Рады Эўропы ня можа быць адноўлены для Беларусі, пакуль тая не ўвядзе мараторый на сьмяротнае пакараньне.
А зусім нядаўна, напярэдадні Сусьветнага дня барацьбы супраць сьмяротнага пакараньня Эўрапейскі парлямэнт прыняў рэзалюцыю, у якой Беларусь і ЗША неадкладна заклікаюцца ўвесьці мараторый на сьмяротнае пакараньне.
У рэзалюцыі зазначаецца, што Беларусь застаецца адзінай эўрапейскай краінай, дзе па-ранейшаму ўжываюць сьмяротную кару, нягледзячы на тое, што Парлямэнцкая Асамблея Рады Эўропы і Эўрапейскі Зьвяз неаднаразова заклікалі Беларусь адмяніць гэты від пакараньня.
10 кастрычніка па ўсім сьвеце адзначаецца Сусьветны дзень барацьбы са сьмяротнай карай. Гэтая дата заснавана па ініцыятыве Сусьветнай кааліцыі па забароне сьмяротнага пакараньня, у якую ўваходзяць больш за 38 праваабарончых арганізацый, у тым ліку "Міжнародная Амністыя", а таксама адвакацкія аб'яднаньні, прафсаюзы, мясцовыя і рэгіянальныя органы ўлады, якія аб'ядналіся, каб пазбавіць сьвет ад сьмяротнага пакараньня.
У 2010 г. Сусьветны дзень барацьбы са сьмяротнай карай адзначаецца ў восьмы раз. Гэтым разам цэнтрам увагі праваабаронцаў сталі ЗША.
У адпаведнасьці з прынятым сярод праваабаронцаў вызначэньнем, сьмяротнае пакараньне уяўляе з сябе наўмыснае пазбаўленьне жыцьця чалавека дзяржавай, і парушае права на жыцьцё, абвешчанае ва Ўсеагульнай дэклярацыі правоў чалавека.
Паводле справаздачы праваабарончай арганізацыі "Міжнародная Амністыя", апублікаванаму ў сакавіку 2010 г., у 2009 г. у 18 краінах сьвету пакаралі сьмерцю 714 чалавек; ня менш за 2001 чалавека былі прысуджаныя да вышэйшай меры пакараньня ў 56 краінах. Як адзначылі праваабаронцы, у гэтую статыстыку не ўключаны тысячы пакараньняў сьмерцю, якія з высокай доляй верагоднасьці былі праведзеныя ў Кітаі, паколькі падобныя зьвесткі там па-ранейшаму лічацца дзяржаўнай таямніцай.
Як паказалі дасьледаваньні, краіны, у якіх прысуды ўсё яшчэ прыводзяць у выкананьне, зараз зьяўляюцца хутчэй выключэньнем, чым правілам. Акрамя Кітаю, найбольшая колькасьць выпадкаў пакараньняў сьмерцю адзначаная ў Іране (дзе пакарана ня менш за 388 чалавек), Іраку (не менш за 120 чалавек), Саудаўскай Арабіі (ня менш за 69 чалавек) і ЗША (52 пакараных).
На думку праваабаронцаў, дадзеныя за 2009 г. таксама сьведчаць і аб тым, што сьвет працягвае рухацца ў кірунку поўнага адмаўленьня ад сьмяротнага пакараньня. Колькасьць краінаў, што скасавалі выключную меру пакараньня ў сваім заканадаўстве, узрасла да 95. Да іх далучыліся Бурундзі і Тога: у абодвух дзяржавах вышэйшая мера пакараньня зараз цалкам адмененая.
У 2009 г., упершыню з тых часоў, як "Міжнародная Амністыя" пачала весьці статыстыку, у Эўропе не прывялі ў выкананьне ні аднаго сьмяротнага прысуду. Беларусь застаецца адзінай краінай у рэгіёне, якая працягвае ўжываць сьмяротнае пакараньне. Нягледзячы на тое, што ў 2009 г. у Беларусі не прывялі ў выкананьне ні аднаго сьмяротнага прысуду, у сакавіку 2010 г. дзяржава пакарала сьмерцю двух чалавек.
У суседняй Расеі 16 траўня 1996 г. прэзыдэнтам РФ Барысам Ельцыным быў выдадзены ўказ "Аб паэтапным скарачэньні ўжываньня сьмяротнага пакараньня ў сувязі з уваходжаньнем Расеі ў Раду Эўропы". Са жніўня 1996 г. у адпаведнасьці з гэтым указам прысуды да сьмяротнага пакараньня ў выкананьне не прыводзяцца.
Статус спэцзапрошанага ў Парлямэнцкай Асамблеі Рады Эўропы ня можа быць адноўлены для Беларусі, пакуль тая не ўвядзе мараторый на сьмяротнае пакараньне.
А зусім нядаўна, напярэдадні Сусьветнага дня барацьбы супраць сьмяротнага пакараньня Эўрапейскі парлямэнт прыняў рэзалюцыю, у якой Беларусь і ЗША неадкладна заклікаюцца ўвесьці мараторый на сьмяротнае пакараньне.
У рэзалюцыі зазначаецца, што Беларусь застаецца адзінай эўрапейскай краінай, дзе па-ранейшаму ўжываюць сьмяротную кару, нягледзячы на тое, што Парлямэнцкая Асамблея Рады Эўропы і Эўрапейскі Зьвяз неаднаразова заклікалі Беларусь адмяніць гэты від пакараньня.