Нямецкае эканамічнае выданьне Нandelsblatt атрымала пацьверджаную некалькімі асобамі інфармацыю адносна "непрыстойнай прапановы", адрасаванай Газпромам нямецкаму канцэрну RWE. Яе сутнасьць у тым, каб немцы далучыліся да расейскага праекту "Паўднёвы паток", сарваўшы такім чынам іншы праект транспартаваньня газу ў ЭЗ — "Nabucco". Расейскі бок запэўнівае RWE ў выдатных пэрспэктывах уласнага праекту і адначасна палохае нямецкі канцэрн цяжкасьцямі перамоваў з пастаўшчыкамі газу для "Nabucco" — Азэрбайджанам і Туркмэністанам.
Як піша Нandelsblatt, "газпромаўская група "Паўднёвы паток" хоча дывэрсыфікаваць маршруты дастаўкі расейскага газу ў Эўропу. Мэта расейцаў палягае ў зьмяншэньні значнасьці Беларусі і Ўкраіны як транзытных краінаў для паставак паліва. З гэтай жа прычыны Газпром сумесна з фірмамі Eon, BASF і іншымі будуе газаправод "Паўночны паток", які праз Балтыйскае мора непасрэдна злучыць расейскага пастаўшчыка з Заходняй Эўропай".
У самім нямецкім канцэрне інфармацыю пра сувязі з Газпромам не пацьвярджаюць.
"Мы стаім за "Nabucco" і ня бачым іншага роўнага яму рацыянальнага праекту", кажуць у RWE.
Паводле Нandelsblatt, "Калі RWE выйдзе з праекту, то шанцы "Nabucco" стануць роўныя нулю"
"Nabucco" павінен прайсьці па тэрыторыі Турэччыны, Баўгарыі, Румыніі, Вугоршчыны, Аўстрыі. Да 2015 году празь яго плянуецца транспартаваць да 8 мільярдаў кубамэтраў газу.
"Паўднёвы паток" пройдзе з Сыбіры праз Чорнае мора, далей па Баўгарыі і падзеліцца на два напрамкі: паўднёвая Італія і Аўстрыя.
"Прапанова Газпрому становіцца для RWE плянам "Б", хоць для канцэрну "Паўднёвы паток" менш цікавы, чым "Nabucco". Ён істотна даражэйшы", піша Handelsblatt.
Як піша Нandelsblatt, "газпромаўская група "Паўднёвы паток" хоча дывэрсыфікаваць маршруты дастаўкі расейскага газу ў Эўропу. Мэта расейцаў палягае ў зьмяншэньні значнасьці Беларусі і Ўкраіны як транзытных краінаў для паставак паліва. З гэтай жа прычыны Газпром сумесна з фірмамі Eon, BASF і іншымі будуе газаправод "Паўночны паток", які праз Балтыйскае мора непасрэдна злучыць расейскага пастаўшчыка з Заходняй Эўропай".
У самім нямецкім канцэрне інфармацыю пра сувязі з Газпромам не пацьвярджаюць.
"Мы стаім за "Nabucco" і ня бачым іншага роўнага яму рацыянальнага праекту", кажуць у RWE.
Паводле Нandelsblatt, "Калі RWE выйдзе з праекту, то шанцы "Nabucco" стануць роўныя нулю"
"Nabucco" павінен прайсьці па тэрыторыі Турэччыны, Баўгарыі, Румыніі, Вугоршчыны, Аўстрыі. Да 2015 году празь яго плянуецца транспартаваць да 8 мільярдаў кубамэтраў газу.
"Паўднёвы паток" пройдзе з Сыбіры праз Чорнае мора, далей па Баўгарыі і падзеліцца на два напрамкі: паўднёвая Італія і Аўстрыя.
"Прапанова Газпрому становіцца для RWE плянам "Б", хоць для канцэрну "Паўднёвы паток" менш цікавы, чым "Nabucco". Ён істотна даражэйшы", піша Handelsblatt.