Сёньня ў Горадні былі адзначаныя ўгодкі Канстытуцыі Рэчы Паспалітай, прынятае 3 траўня 1791 году. Афіцыйна быў прадстаўлены новы генконсул Польшчы Анджэй Хадкевіч, які дагэтуль працаваў ва «Вспульноце польскай».
На мерапрыемства прыехаў з Варшавы сэнатар Богдан Юзаф Пашкоўскі. Музэй Войска Польскага ў Беластоку прадставіў выставу, прысьвечаную прыняцьцю канстытуцыйнага акту. Мерапрыемства наладзілі супольна Генэральнае консульства Рэспублікі Польшча і Саюз палякаў на чале з Анжалікай Борыс.
Прысутныя прамаўлялі на тэму Канстытуцыі 3 траўня, гаварылі пра яе важнасьць ня толькі для палякаў, а і для беларусаў, для ўсіх эўрапейцаў. Перад сабранымі сьпявалі дзяўчаткі з хору «Каляровыя ноткі», які арганізаваны ў гарадзенскай школе з польскай мовай навучаньня. Пасьля гэтага ў былым бэрнардынскім касьцёле адбылося набажэнства з нагоды дня Канстытуцыі 3 траўня, а затым у драмтэатры — канцэрт хору Вармінска-Мазурскай філярмоніі з Ольштыну.
Прысутныя прамаўлялі на тэму Канстытуцыі 3 траўня, гаварылі пра яе важнасьць ня толькі для палякаў, а і для беларусаў, для ўсіх эўрапейцаў. Перад сабранымі сьпявалі дзяўчаткі з хору «Каляровыя ноткі», які арганізаваны ў гарадзенскай школе з польскай мовай навучаньня. Пасьля гэтага ў былым бэрнардынскім касьцёле адбылося набажэнства з нагоды дня Канстытуцыі 3 траўня, а затым у драмтэатры — канцэрт хору Вармінска-Мазурскай філярмоніі з Ольштыну.
