Сойм грамадзкага аб'яднаньня “БНФ “Адраджэньне” заклікаў сёньня Магілёўскі абласны гаспадарчы суд адмяніць пастанову аб пазбаўленьні арганізацыі офісу ў Магілёве.
“Сойм расцэньвае пастанову суду як факт ціску на Магілёўскую абласную арганізацыю ГА “БНФ “Адраджэньне” і Партыі БНФ у пэрыяд правядзеньня выбарчай кампаніі і патрабуе неадкладнай адмены гэтай пастановы”, – гаворыцца ў заяве.
Магілёўскую абласную арганізацыю БНФ "Адраджэньне" прымусова выселілі з арандаванага офісу 15 красавіка. На высяленьні арганізацыі настаяла жыльлёва-камунальнае ўпраўленьне Ленінскага раёну Магілёва.