У Дзяржаўным музэі гісторыі беларускай літаратуры а 18-й гадзіне распачнецца цырымонія ўручэньня прэміі часопіса “Дзеяслоў” “Залаты апостраф”. Прэмія будзе ўручацца сёмы раз. Сёлета гэтая падзея прымеркаваная да Дня Волі — 25 сакавіка.
Узнагароджаньне пераможцаў будзе праводзіцца паводле трох намінацыяў: паэзія, проза і лепшы дэбют. Рэдактар часопіса Барыс Пятровіч паведаміў “Свабодзе”, што сярод ляўрэатаў шмат вядомых беларускіх пісьменьнікаў і сёньня іх шэрагі папоўняцца новымі імёнамі.