У Менску затрыманы актывіст апазыцыі Андрусь Кашэўскі

  • БелаПАН
Актывіст аргкамітэту па стварэньні партыі "Беларуская хрысьціянская дэмакратыя", патэнцыйны кандыдат у дэпутаты мясцовых саветаў са Смалявічаў Андрусь Кашэўскі затрыманы ўвечары 3 сакавіка ў менскім мэтро, паведаміла прэсавая служба аргкамітэту.

Паводле папярэдніх зьвестак, Кашэўскага абвінавачваюць у супраціўленьні міліцыянэрам.

У сталіцы ён займаецца распаўсюджваньнем газэты "Народная воля". Падчас затрыманьня ў актывіста пры сабе нумароў газэты не было.

Месцазнаходжаньне Андруся Кашэўскага пакуль невядомае, яго мабільны тэлефон адключаны.