Адно з найбольшых расчараваньняў Алімпіяды – выступ хакейнай зборнай пад кіраўніцтвам Міхаіла Захарава. На гэтай пасадзе ён за некалькі месяцаў да пачатку спаборніцтваў зьмяніў канадзкага спэцыяліста Глена Хэнлана, перад якім Міністэрства спорту і турызму ставіла задачу паўтарыць подзьвіг васьмігадовай даўнасьці, заняўшы месца не ніжэй за чацьвёртае. Аднак складаная камбінацыя экс-старшыні Фэдэрацыі хакею Беларусі Ўладзімера Навумава з выжываньнем Хэнлана з менскага “Дынама”, якая прывяла да адмовы канадца супрацоўнічаць і са зборнай камандай, спарадзіла нэрвовую сытуацыю з калектыве. Абяцаньні Захарава фінішаваць у васьмёрцы аказаліся нічым не падмацаваныя на справе.
Спартовы камэнтатар, колішні вядучы праграмы “Асілак” на Беларускім тэлебачаньні Ўладзімер Даўжэнка перакананы, што культывацыя хакею ў адсутнасьць кваліфікаваных кадраў у Беларусі ні да чаго не прывядзе. А мільёны даляраў, “закапаныя” у хакейныя палацы, наўрад ці калі акупяцца. Асабліва гэта тычыцца 15-тысячнай “Менск-Арэны”, якая, мяркуючы па ўсім, збольшага будзе выкарыстоўвацца як канцэртная пляцоўка:
“Канечне, ейны кошт ніяк не адэкватны ўскладзеным на яе функцыянальным абавязкам. Арэна ў нашых умовах сябе папросту не акупіць. Дарэчы, гэтак жа, як не акупляе сябе ніводзін з пабудаваных лядовых палацаў. Усе гэтыя палацы -- як кадрыраваныя дывізіі. Яны будуць стаяць і чакаць толькі чэмпіянату сьвету 2014 году. Зайдзіце ў любы палац у любы час сутак: там што, паломніцтва працоўных з хакейнымі клюшкамі і шлемамі? Не! А паралельна ці разьвіваюцца дзіцячыя спартовыя школы? Таксама не!
Усе гэтыя навабуды -- насамрэч закансэрваваныя дывізія, якую. Умоўна кажучы, разьвернуць падчас вайны – на пэрыяд правядзеньня ўсясьветнага першынства. Вось і ўсё. Таму асабіста я не вітаю такое ўкладаньне грошай. Так, з аднаго боку добра і радасна, што ў нас зьяўляюцца падобныя аб’екты, але па сутнасьці сваёй гэта больш такі палітычны крок. Маўляў, вось якія мы прыгожыя. Але я баюся, што, улічваючы беларускі гігантызм, які ў апошняе дзесяцігодзьдзе ў нас мае месца, ня ведаю, мы, напэўна, і ў заплянаваныя 40 мільёнаў даляраў наўрад ці ўкладземся з гэтай будоўляй. Прабачце мяне, але лепш бы пабудавалі людзям новы шпіталь. У нас у Менску апошняя лякарня будавалася 20 гадоў таму – 10-я клініка ў мікрараёне Чыжоўка. Вось дзе быў бы сапраўдны паказьнік здароўя! А хакей пры ўсёй павазе да гульцоў – гэта ўсё ж 22 чалавекі, якія, да таго ж, і гуляюць з пераменным посьпехам”.
За чатыры дні да заканчэньня Алімпійскіх гульняў у Ванкувэры беларускія аматары спорту разьлічваюць толькі на адзін мэдалёвы шанец – у фрыстайле. Стаўка перадусім на Алу Цупер. Пасьля таго, як сіта кваліфікацыі не прайшоў лідэр Кубку сьвету Антон Кушнір, спадзяваньні на ўдалы выступ астатніх досыць прывідныя.
Спартовы камэнтатар, колішні вядучы праграмы “Асілак” на Беларускім тэлебачаньні Ўладзімер Даўжэнка перакананы, што культывацыя хакею ў адсутнасьць кваліфікаваных кадраў у Беларусі ні да чаго не прывядзе. А мільёны даляраў, “закапаныя” у хакейныя палацы, наўрад ці калі акупяцца. Асабліва гэта тычыцца 15-тысячнай “Менск-Арэны”, якая, мяркуючы па ўсім, збольшага будзе выкарыстоўвацца як канцэртная пляцоўка:
“Канечне, ейны кошт ніяк не адэкватны ўскладзеным на яе функцыянальным абавязкам. Арэна ў нашых умовах сябе папросту не акупіць. Дарэчы, гэтак жа, як не акупляе сябе ніводзін з пабудаваных лядовых палацаў. Усе гэтыя палацы -- як кадрыраваныя дывізіі. Яны будуць стаяць і чакаць толькі чэмпіянату сьвету 2014 году. Зайдзіце ў любы палац у любы час сутак: там што, паломніцтва працоўных з хакейнымі клюшкамі і шлемамі? Не! А паралельна ці разьвіваюцца дзіцячыя спартовыя школы? Таксама не!
Усе гэтыя навабуды -- насамрэч закансэрваваныя дывізія, якую. Умоўна кажучы, разьвернуць падчас вайны – на пэрыяд правядзеньня ўсясьветнага першынства. Вось і ўсё. Таму асабіста я не вітаю такое ўкладаньне грошай. Так, з аднаго боку добра і радасна, што ў нас зьяўляюцца падобныя аб’екты, але па сутнасьці сваёй гэта больш такі палітычны крок. Маўляў, вось якія мы прыгожыя. Але я баюся, што, улічваючы беларускі гігантызм, які ў апошняе дзесяцігодзьдзе ў нас мае месца, ня ведаю, мы, напэўна, і ў заплянаваныя 40 мільёнаў даляраў наўрад ці ўкладземся з гэтай будоўляй. Прабачце мяне, але лепш бы пабудавалі людзям новы шпіталь. У нас у Менску апошняя лякарня будавалася 20 гадоў таму – 10-я клініка ў мікрараёне Чыжоўка. Вось дзе быў бы сапраўдны паказьнік здароўя! А хакей пры ўсёй павазе да гульцоў – гэта ўсё ж 22 чалавекі, якія, да таго ж, і гуляюць з пераменным посьпехам”.
За чатыры дні да заканчэньня Алімпійскіх гульняў у Ванкувэры беларускія аматары спорту разьлічваюць толькі на адзін мэдалёвы шанец – у фрыстайле. Стаўка перадусім на Алу Цупер. Пасьля таго, як сіта кваліфікацыі не прайшоў лідэр Кубку сьвету Антон Кушнір, спадзяваньні на ўдалы выступ астатніх досыць прывідныя.