У Крупках не зарэгістраваная ініцыятыўная група прадпрымальніцы і сябра АГП Ганны Бандарэнкі. Падставай сталася адмова сябра ініцыятыўнай групы Сяргея Клетнага браць удзел у выбарчай кампаніі.
Як паведаміў кіраўнік групы прадпрымальнік Аляксандар Бандарэнка, напярэдадні зь Сяргеем Клетным, які працуе ў жыльлёва-камунальнай гаспадарцы Крупак, размову на гэтую тэму праводзілі два намесьнікі старшыні райвыканкаму — Мікалай Буры і Ўладзімер Загорскі. Пасьля гэтай размовы Клетны і адмовіўся ўдзельнічаць у ініцыятыўнай групе.