Дэлегацыя Эўракамісіі на чале з намесьнікам генэральнага дырэктара Генэральнага дырэктарату ЭК у справах гандлю Пэтэрам Балашам 25-26 студзеня ў Менску абмяркуе пытаньні гандлёва-эканамічных стасункаў паміж Беларусьсю і Эўразьвязам.
"У рамках візыту будуць абмеркаваныя актуальныя пытаньні двухбаковых гандлёва-эканамічных адносінаў паміж Беларусьсю і Эўрапейскім Зьвязам, у тым ліку пытаньні ўступленьня краіны ва Ўсясьветную гандлёвую арганізацыю, прызнаньня Эўразьвязам беларускай эканомікі рынкавай”, – паведамілі "Інтэрфаксу" ў прэсавай службе МЗС Беларусі.