У Партыі рэгіёнаў падлічылі, што іх кандыдат на прэзыдэнцкіх выбарах набраў галасоў болей, чым усе прадстаўнікі дзейнай улады разам.
Намесьніца старшыні партыі Ганна Герман, камэнтуючы вынікі экзыт-полаў заявіла:
“Гэта сапраўды апошні дзень аранжавай улады, калі лідэр апазыцыі набраў галасоў болей, чым усе прадстаўнікі дзейнай улады разам узятыя”.
Іншы лідэр партыі Мікола Азараў выказаў упэўненасьць у перамозе Віктара Януковіча ў часе другога туру галасаваньня 7 лютага.
У штабе Віктара Юшчанкі вынікаў экзыт-пол не камэнтуюць.