Кіраўнік выбарчага штабу Юліі Цімашэнка Аляксандар Турчынаў, абапіраючыся на зьвесткі Нацыянальнага экзыт-полу, прызнаў, што разрыў паміж фаварытамі прэзыдэнцкай гонкі В. Януковічам і Ю. Цімашэнка складае 4 працэнты (Януковіч – 31 працэнт галасоў апытаных, Цімашэнка – 27):
“І гэта блізка да сапраўднага выніку… Нас задаволіла б перамога ў першым туры. Праблема ў тым, што дэмакратычныя сілы не аб’ядналіся і не падтрымалі найбольш моцнага кандыдата прэм’ер-міністра Юлію Цімашэнка прывяло да таго, што з нязначным разрывам наперадзе йдзе Януковіч”.
Аляксандар Турчынаў выказаў перакананьне, што людзі, якія галасавалі за іншых кандыдатаў дэмакратычнага лягеру, ніколі не прагласуюць за чалавека з сумнеўным мінулым і сучасным, які не можа прадстаўляць Украіну.
“Гэтыя галасы ўжо сёньня даюць нам упэўненасьць у перамозе ў часе другога туру галасаваньня, перамозе ўпэўненай, са значным адрывам, без сумнеўнай”—заявіў Турчынаў.
Пры гэтым ён зазначыў, што былі істотныя парушэньні, ігнаравалася рашэньне судоў, бекантрольна ішло галасаваньне дома, з парушэньнямі дапаўляліся сьпісы выбарцаў.
