Вярхоўны суд Беларусі сёньня адмовіў аргкамітэту ў справе стварэньня Беларускай партыі працоўных у яго скарзе на дзеяньні Міністэрства юстыцыі, якое адмовілася зарэгістраваць партыю. Пра гэта “Свабодзе” паведаміў старшыня аргкамітэту Аляксандар Бухвостаў.
Ён сказаў, што стваральнікі партыі будуць працягваць сваю працу:
“Паколькі падчас суду высьветлілася, што сярод заснавальнікаў партыі апынуліся здраднікі, якія адмовіліся ад сваіх подпісаў, то мы перагледзім сьпіс стваральнікаў БПП. Таксама будзем агітаваць пайсьці ў партыю больш перакананых людзей. І будзем рыхтавацца да новага з’езду”.
Незалежныя аналітыкі адзначаюць, што ў Беларусі і раней было надзвычай цяжка зарэгістраваць апазыцыйную палітычную партыю. А пасьля таго, як згодна з папраўкамі ў выбарчае заканадаўства, партыі могуць вылучаць сваіх кандыдатаў і ў тых выбарчых акругах, дзе ў іх няма сваіх суполак, гэта стане яшчэ цяжэйшай справай.
“Паколькі падчас суду высьветлілася, што сярод заснавальнікаў партыі апынуліся здраднікі, якія адмовіліся ад сваіх подпісаў, то мы перагледзім сьпіс стваральнікаў БПП. Таксама будзем агітаваць пайсьці ў партыю больш перакананых людзей. І будзем рыхтавацца да новага з’езду”.
Незалежныя аналітыкі адзначаюць, што ў Беларусі і раней было надзвычай цяжка зарэгістраваць апазыцыйную палітычную партыю. А пасьля таго, як згодна з папраўкамі ў выбарчае заканадаўства, партыі могуць вылучаць сваіх кандыдатаў і ў тых выбарчых акругах, дзе ў іх няма сваіх суполак, гэта стане яшчэ цяжэйшай справай.