Аляксандар Лукашэнка сустрэўся з прадстаўнікамі розных канфэсій — удзельнікамі міжнароднай канфэрэнцыі “Хрысьціянска-юдэйскі дыялёг: рэлігійныя каштоўнасьці як глеба ўзаемапавагі ў грамадзтве ва ўмовах глябальнага эканамічнага крызісу”.
На сустрэчы Аляксандар Лукашэнка заявіў пра неабходнасьць разьвіваць міжканфэсійны дыялёг і зазначыў, што “рэлігійная нецярпімасьць, ксэнафобія і агрэсіўны нацыяналізм сёньня рэальна пагражаюць стабільнасьці ўсёй нашай плянэты”.
Мадэль адносінаў улады і царквы ў Беларусі Аляксандар Лукашэнка назваў “унікальнай” і адзначыў: “Нашы законы не дазваляюць ніякай дыскрымінацыі паводле расавых, нацыянальных і рэлігійных прыкметаў”.
Юрыст царквы “Новае жыцьцё” Сяргей Луканін гэтак пракамэнтаваў заяву Аляксандра Лукашэнкі адносна роўнасьці ўсіх перад рэлігійным законам:
“Наконт таго, што нашы законы адпавядаюць усім міжнародным стандартам і не парушаюць правы вернікаў — гэта, мякка кажучы, не зусім так. Прыкладам, ужо ў прэамбуле “Закону аб свабодзе сумленьня і рэлігійных арганізацыях” ёсьць пералік тых канфэсій, якія там значацца як традыцыйныя ў Беларусі. Паводле духу закону гэта значыць, што яны маюць перавагу над іншымі канфэсіямі. У гэты пералік не ўваходзяць эвангельскія цэрквы. А мы, эвангельскія хрысьціяне, адчуваем гэта на сабе, — гэтую дыскрымінацыю. Нам не дазваляюць рабіць тое, што дазваляюць іншым канфэсіям. Прыкладам, амаль немагчыма зарэгістраваць новую суполку, немагчыма суполцы набыць рэлігійны будынак. Між тым гэтым пасьпяхова займаюцца іншыя канфэсіі”.
Мадэль адносінаў улады і царквы ў Беларусі Аляксандар Лукашэнка назваў “унікальнай” і адзначыў: “Нашы законы не дазваляюць ніякай дыскрымінацыі паводле расавых, нацыянальных і рэлігійных прыкметаў”.
Юрыст царквы “Новае жыцьцё” Сяргей Луканін гэтак пракамэнтаваў заяву Аляксандра Лукашэнкі адносна роўнасьці ўсіх перад рэлігійным законам:
“Наконт таго, што нашы законы адпавядаюць усім міжнародным стандартам і не парушаюць правы вернікаў — гэта, мякка кажучы, не зусім так. Прыкладам, ужо ў прэамбуле “Закону аб свабодзе сумленьня і рэлігійных арганізацыях” ёсьць пералік тых канфэсій, якія там значацца як традыцыйныя ў Беларусі. Паводле духу закону гэта значыць, што яны маюць перавагу над іншымі канфэсіямі. У гэты пералік не ўваходзяць эвангельскія цэрквы. А мы, эвангельскія хрысьціяне, адчуваем гэта на сабе, — гэтую дыскрымінацыю. Нам не дазваляюць рабіць тое, што дазваляюць іншым канфэсіям. Прыкладам, амаль немагчыма зарэгістраваць новую суполку, немагчыма суполцы набыць рэлігійны будынак. Між тым гэтым пасьпяхова займаюцца іншыя канфэсіі”.
