Эўрапейскі парлямэнт вызначыў трох фіналістаў на прэмію імя Сахарава “За свабоду думкі” ў 2009 годзе.
Імі сталі:
- гінэколяг з Палестыны Ізэлдзін Абуелаіш,
- пісьменьнік і палітычны вязень з Эрытрыі Давіт Ісаак,
- арганізацыя “Мэмарыял” і іншыя абаронцы правоў чалавека ў Расеі ў асобах Людмілы Аляксеевай, Алега Арлова і Сяргея Кавалёва.
Пераможца будзе вызначаны 22 кастрычніка.
Гэтай прэміяй Эўрапарлямэнт штогод узнагароджвае барацьбітоў за дэмакратыю і правы чалавека. Сёлета ўзнагароджаньне супадае з 20-мі ўгодкамі сьмерці акадэміка Андрэя Сахарава.
Сярод уладальнікаў пачэснай прэміі былі і беларусы: у 2004 годзе Жана Літвіна, а ў 2006 — Аляксандар Мілінкевіч.