Рашэньне Расеі ўступаць у Сусьветную гандлёвую арганізацыю разам зь Беларусьсю і Казахстанам значна ўскладніць працэс яе далучэньня да СГА. Такое меркаваньне выказаў генэральны дырэктар СГА Паскаль Лямі ў інтэрвію "New-York Times".
Паводле агенцтва БелаПАН, Паскаль Лямі лічыць, што "ў Масквы зьнікла энэргія да ўступленьня ў СГА, куды яна імкнулася апошнія 16 гадоў". Паводле Лямі, сьведчаньнем таму і зьяўляецца рашэньне аб сумесным уступленьні ў СГА. Аднак такое рашэньне ня мае прэцэдэнту і "значна ўскладніць уступленьне Расіі" ў арганізацыю, заявіў гендырэктар арганізацыі.
Заява аб уступленьні ў СГА адзіным мытным саюзам была падпісана прэм'ер-міністрамі Беларусі, Казахстану і Расеі 9 чэрвеня ў Маскве. Кіраўнікі ўрадаў абвясьцілі, што адмаўляюцца ад вядзеньня нацыянальных перамоў з СГА.
Нагадаем, тады ж, у чэрвені, Паскаль Лямі заявіў:
"Я зьбіты з панталыку, разгублены. Члены СГА пакуль ня ведаюць, якімі будуць наступныя крокі. Для членаў СГА цяпер час згуляць у сур'ёзны юрыдычны покер".
Аднак 11 жніўня першы віцэ-прэм'ер Расіі Ігар Шувалаў паведаміў журналістам: расійскаму боку ўдалося пераканаць структуры СГА ў тым, што пагадненьне аб арганізацыі дае магчымасьць групавога ўступленьня ў яе.
12 жніўня Беларусь, Казахстан і Расея сфармавалі адзіную перамоўную групу па далучэньні да СГА, якую ўзначаліў дырэктар дэпартамэнту гандлёвых перамоў Мінэканомразьвіцьця Расеі Максім Мядзьведкаў.
Паводле агенцтва БелаПАН, Паскаль Лямі лічыць, што "ў Масквы зьнікла энэргія да ўступленьня ў СГА, куды яна імкнулася апошнія 16 гадоў". Паводле Лямі, сьведчаньнем таму і зьяўляецца рашэньне аб сумесным уступленьні ў СГА. Аднак такое рашэньне ня мае прэцэдэнту і "значна ўскладніць уступленьне Расіі" ў арганізацыю, заявіў гендырэктар арганізацыі.
Заява аб уступленьні ў СГА адзіным мытным саюзам была падпісана прэм'ер-міністрамі Беларусі, Казахстану і Расеі 9 чэрвеня ў Маскве. Кіраўнікі ўрадаў абвясьцілі, што адмаўляюцца ад вядзеньня нацыянальных перамоў з СГА.
Нагадаем, тады ж, у чэрвені, Паскаль Лямі заявіў:
"Я зьбіты з панталыку, разгублены. Члены СГА пакуль ня ведаюць, якімі будуць наступныя крокі. Для членаў СГА цяпер час згуляць у сур'ёзны юрыдычны покер".
Аднак 11 жніўня першы віцэ-прэм'ер Расіі Ігар Шувалаў паведаміў журналістам: расійскаму боку ўдалося пераканаць структуры СГА ў тым, што пагадненьне аб арганізацыі дае магчымасьць групавога ўступленьня ў яе.
12 жніўня Беларусь, Казахстан і Расея сфармавалі адзіную перамоўную групу па далучэньні да СГА, якую ўзначаліў дырэктар дэпартамэнту гандлёвых перамоў Мінэканомразьвіцьця Расеі Максім Мядзьведкаў.