Актывісты руху “За свабоду”меркавалі правесьці ў Ваўкавыску сход, каб вылучыць дэлегатаў на Эўрапейскі форум, які мае адбыцца ў Менску на пачатку кастрычніка.
Аднак раённыя ўлады не дазволілі правесьці сход, спаслаўшыся на тое, што ў раёне няма зарэгістраваных структураў руху “За свабоду”. Пісьмовы адказ з выканкаму атрымаў заяўнік — рэгіянальны каардынатар руху Алесь Зарэмбюк. Раней такія ж адмоўныя адказы далі ўлады Мастоўскага і Слонімскага раёнаў.