Актывіста “Маладога фронту” зь Берасьця Яўгена Скрабца накіравалі ў вайсковую частку пад Магілёвам. Яўген спрабуе абскардзіць дзеяньні прызыўной і мэдычных камісіяў.
Учора Яўгену ўручылі позву, каб ён 21 верасьня а 9-й гадзіне зьявіўся на прызыўны пункт для адпраўкі ў войска. Сёньня ён падпісаў неабходныя дакумэнты, якія па ягоным патрабаваньні былі перакладзены на беларускую мову. На апошнім мэдаглядзе хлопца прызналі прыдатным з абмежаваньнямі і потым накіравалі ў чыгуначныя войскі. Яўген кажа, што пра ягоны вайсковы абавязак узгадалі пасьля вяртаньня з галадоўкі салідарнасьці з Аўтуховічам, якая адбывалася ў Менску. Маладафронтаўца 4 чэрвеня схапілі невядомыя ў цывільным каля дома ў Берасьці і прымусова адвезьлі ў шпіталь, дзе цягам двух дзён правялі мэдагляд, а потым завезьлі ў вайсковы камісарыят.
“Гэтаму было шмат сьведак: праваабаронцы, бацькі. Мяне туды даставілі, але абмяжоўвалі кантакты з паплечнікамі і праваабаронцам Раманам Кісьляком. Мы падавалі скаргу ў пракуратуру. Але пракуратура да гэтага часу не знайшла гэтых людзей і зацягвае гэтую справу. Учора я атрымаў ліст з пракуратуры, каб для тлумачэньняў па той справе з выкраданьнем і ўтрыманьнем у шпіталі я прыйшоў у панядзелак, калі мне патрэбна ехаць у войска. Нягледзячы на гэта, у ваенным камісарыяце рашэньне лекары прымалі паводле той паперы, якую мне выдалі ў шпіталі падчас утрыманьня невядомымі людзьмі”.
Яўген згадвае, што спачатку лекары яму паставілі дыягназ — захворваньне хрыбетніка і далі адтэрміноўку на паўгода.
“Я заўважыў учора, яны перапісалі ступень цяжкасьці дыягназу. Пішацца — стан прагрэсаваньня хваробы, але ў мэдычным абсьледаваньні зараз дапісана — нягледзячы на тое, што я з бальнічнага выйшаў толькі пазаўчора — дапісана, што зараз хвароба болевых адчуваньняў не прыносіць. І ў выпадку, як мне патлумачылі ў ваенкамаце, калі зьявяцца нейкія праблемы са здароўем, мяне пакладуць у санчастку”.
Яўген зьбіраецца падаць скаргу ў суд на дзеяньні мэдычнай і прызыўной камісіяў. Ён кажа, што гатовы да выкананьня свайго канстытуцыйнага абавязку ў тым выпадку, калі прызыў будзе адбывацца ў прававых рамках.
“Я лічу, што гэта палітычны прызыў. Мне не давалі магчымасьці нармальна дыхнуць, самому прайсьці незалежны мэдагляд, падаць скаргі. То бок штодня, асабліва апошні тыдзень, я кожны дзень хаджу ў ваенкамат і штодня мне ўручаюць новую позву, каб я нічога не пасьпеў сабраць. Я ня ўпэўнены ў дыягназе, які выставілі лекары шпіталя, калі я там знаходзіўся пад наглядам. Але, кіруючыся гэтай выпіскай, супрацоўнікі ваенкамату зрабілі выснову аб маім здароўі і прыдатнасьці да службы. Не дачакаўшыся праверкі пракуратуры”.
Яўгену 23 гады, ён вучыцца завочна на другім курсе Эўрапейскага гуманітарнага ўнівэрсытэту. Дарэчы, нядаўна ён даведаўся, што ад траўня невыязны. У ліпені хлопца зьнялі зь цягніка, не патлумачыўшы прычынаў, калі ён ехаў у Літву на вучобу. Адтэрміноўку па вучобе маладафронтаўцу не далі, спасылаючыся на тое, што Яўгена падчас мінулых парлямэнцкіх выбараў адлічылі зь чацьвёртага курсу Берасьцейскага пэдагагічнага ўнівэрсытэту.
“Гэтаму было шмат сьведак: праваабаронцы, бацькі. Мяне туды даставілі, але абмяжоўвалі кантакты з паплечнікамі і праваабаронцам Раманам Кісьляком. Мы падавалі скаргу ў пракуратуру. Але пракуратура да гэтага часу не знайшла гэтых людзей і зацягвае гэтую справу. Учора я атрымаў ліст з пракуратуры, каб для тлумачэньняў па той справе з выкраданьнем і ўтрыманьнем у шпіталі я прыйшоў у панядзелак, калі мне патрэбна ехаць у войска. Нягледзячы на гэта, у ваенным камісарыяце рашэньне лекары прымалі паводле той паперы, якую мне выдалі ў шпіталі падчас утрыманьня невядомымі людзьмі”.
Яўген згадвае, што спачатку лекары яму паставілі дыягназ — захворваньне хрыбетніка і далі адтэрміноўку на паўгода.
Я заўважыў учора, яны перапісалі ступень цяжкасьці дыягназу.
Яўген зьбіраецца падаць скаргу ў суд на дзеяньні мэдычнай і прызыўной камісіяў. Ён кажа, што гатовы да выкананьня свайго канстытуцыйнага абавязку ў тым выпадку, калі прызыў будзе адбывацца ў прававых рамках.
“Я лічу, што гэта палітычны прызыў. Мне не давалі магчымасьці нармальна дыхнуць, самому прайсьці незалежны мэдагляд, падаць скаргі. То бок штодня, асабліва апошні тыдзень, я кожны дзень хаджу ў ваенкамат і штодня мне ўручаюць новую позву, каб я нічога не пасьпеў сабраць. Я ня ўпэўнены ў дыягназе, які выставілі лекары шпіталя, калі я там знаходзіўся пад наглядам. Але, кіруючыся гэтай выпіскай, супрацоўнікі ваенкамату зрабілі выснову аб маім здароўі і прыдатнасьці да службы. Не дачакаўшыся праверкі пракуратуры”.
Яўгену 23 гады, ён вучыцца завочна на другім курсе Эўрапейскага гуманітарнага ўнівэрсытэту. Дарэчы, нядаўна ён даведаўся, што ад траўня невыязны. У ліпені хлопца зьнялі зь цягніка, не патлумачыўшы прычынаў, калі ён ехаў у Літву на вучобу. Адтэрміноўку па вучобе маладафронтаўцу не далі, спасылаючыся на тое, што Яўгена падчас мінулых парлямэнцкіх выбараў адлічылі зь чацьвёртага курсу Берасьцейскага пэдагагічнага ўнівэрсытэту.