Беларускія памежнікі затрымалі за мінулыя выходныя 21 грамадзяніна Грузіі, якія спрабавалі перасекчы мяжу Беларусі з краінамі Эўразьвязу.
У прэсавай службе Дзяржаўнага памежнага камітэту Беларусі Інтэрфаксу паведамілі, што грамадзяне Грузіі спрабуюць патрапіць у ЭЗ цэлымі сем’ямі, ідуць празь лясы, і гэтая плынь не спыняецца. Грузінскіх нелегалаў затрымлівалі на межах зь Літвой, Латвіяй і Польшчай.
У зьвязку з масавым нелегальным наплывам грамадзянаў Грузіі робяцца дадатковыя захады па ахове мяжы з ЭЗ. Парушальнікаў мяжы беларускі бок дэпартуе ў Грузію.