Сідорскі сустрэнецца з Тускам

Дональд Туск

Прэм'ер-міністар Беларусі Сяргей Сідорскі 1-2 верасьня з рабочым візытам наведае Польшчу. Ён возьме ўдзел у мерапрыемствах з нагоды 70-й гадавіны пачатку Другой усясьветнай вайны.

Падчас візыту ў Гданьску плянуецца сустрэча С.Сідорскага з прэм'ер-міністрам Польшчы Дональдам Тускам.

С.Сідорскі правядзе перамовы з кіраўніцтвам кампаній “Электрабудова”, “Фамур”, “АКJ Інвэстмент”, “Кульчык холдынг”, перадае БелТА.

2 верасьня адбудзецца рабочы сьняданак прэм'ер-міністра Беларусі з кіраўніцтвам Паморскага ваяводзтва і рэгіянальнай эканамічнай палаты Памор'я.