29 чэрвеня ў 14.30 у Вільні адкрываецца летняя сэсія Парлямэнцкай асамблеі АБСЭ. Беларускага пытаньня ў агульным парадку дня сэсіі няма.
“Але гэта не азначае, што размовы пра Беларусь тут ня будзе,-- сказаў “Свабодзе” сустаршыня Палітрады Аб’яднаных дэмсілаў Беларусі Анатоль Лябедзька. – Сюды мае прыехаць кіраўніца рабочай групы па Беларусі Ўта Цапф ды іншыя чальцы групы. Я хачу сустрэцца зь імі, а таксама паразмаўляць з некаторымі дэпутатамі з розных краінаў, якія цікавяцца становішчам у Беларусі”.