Сёньня адвакат Павал Сапелка бачыўся ў менскім сьледчым ізалятары зь Мікалаем Аўтуховічам, а ў магілёўскай калёніі адбылася сустрэча адваката Зьмітра Гарачкі з галадоўнікам Эмануілам Зэльцэрам. Як пачуваюцца галадоўнікі?
“Трымаецца, вельмі слабы, але працягвае галадоўку, на сустрэчу прыйшоў самастойна”, – паведаміў адвакат Павал Сапелка пра Мікалая Аўтуховіча, зь якім пабачыўся сёньня ў менскім сьледчым ізалятары.
Мінае 69 дзень, як Мікалай Аўтуховіч пачаў галадоўку. Адвакату невядома, ці ставяць Аўтуховічу кропельніцы. Прадпрымальнік пратэстуе супраць крымінальнага перасьледу, які лічыць незаконным – Аўтуховіча абвінавачваюць у падпале дома міліцыянта. Як паведаміў Павал Сапелка, днямі Аўтуховічу абвясьцілі, што ён лічыцца падазраваным і ў яшчэ адной крымінальнай справе – аб незаконных дзеяньнях са зброяй.
“Прызнаны падазраваным у зьдзяйсьненьні злачынства, прадугледжанага 3-й часткай 295 артыкулу Крымінальнага кодэксу – гэта незаконныя дзеяньні ў адносінах да зброі і боепрыпасаў”.
Найбольшае пакараньне, якое прадугледжана гэтым артыкулам – 8 гадоў зьняволеньня. Паводле адваката, справы, у якіх фігуруе Мікалай Аўтуховіч аб’яднаныя:
“Як я разумею, абедзьве справы аб’яднаныя ў адну вытворчасьць, а Мікалай Аўтуховіч лічыцца арыштаваным за галоўнай сьледчай управай МУС.”
Адвакат таксама паведаміў прозьвішча новага сьледчага, які вядзе справу Аўтуховіча – гэта спадар Клачко. Раней справу прадпрымальніка расьсьледаваў сьледчы Кухаронак з Гародні.
Разам зь Мікалаем Аўтуховічам абвінавачаныя ў падпале дома міліцыянта Юры Лявонаў і Ўладзімер Асіпенка. Як раней паведамляла дачка Лявонава Юля Міхнюк, яе бацька таксама фігуруе ў другой справе, зьвязанай са зброяй, нібыта гранатамётам. Але атрымаць пацьверджаньне гэтаму ад сьледчага Кухаронка мне не ўдалося. Такім чынам, зьвесткі пра другую справу адносна зброі, у якой фігуруюць як найменей Аўтуховіч і Лявонаў, пацьвердзіліся. Адвакат Сапелка толькі ўдакладняе, што абвінавачаньне па гэтай справе не выстаўлена, ягоны падабаронны лічыцца падазраваным.
Сёньня ж з Эмануілам Зэльцэрам у магілёўскай калёніі пабачыўся ягоны адвакат Зьміцер Гарачка. Зэльцэр трымае галадоўку ўжо 2 тыдні. Вось што паведаміў адвакат “Свабодзе”:
“Дакумэнты ніякія не прыйшлі ў калёнію, галадоўка працягваецца, стан здароўя па-ранейшаму – усё горшы. Яго больш хвалюе, чаму ў быццам прававой дзяржаве ён ня можа атрымаць дакумэнтаў, якія неабходны для амністыі паводле закону”.
Паводле адваката, Эмануіл Зэльцэр падпадае пад амністыю, абвешчаную ў сувязі з гадавінай вызваленьня Беларусі. Дакумэнты амэрыканца мусіць разгледзіць камісія ў справе амністыі пры магілёўскай калёніі, але ўжо болей за месяц зь Менскага гарадзкога суду не дасылаюць даведку, безь якой разгляд дакумэнтаў немагчымы. У пачатку чэрвеня адвакат Зьміцер Гарачка паскардзіўся на гэта ў Вярхоўны суд і ў пракуратуру Менска.
Сёньня падчас прэсай канфэрэнцыі генэральны пракурор Рыгор Васілевіч паабяцаў “праверыць”, чаму Зэльцэру не выдаюць дакумэнтаў для ўжываньня адносна яго амністыі.
Мінае 69 дзень, як Мікалай Аўтуховіч пачаў галадоўку. Адвакату невядома, ці ставяць Аўтуховічу кропельніцы. Прадпрымальнік пратэстуе супраць крымінальнага перасьледу, які лічыць незаконным – Аўтуховіча абвінавачваюць у падпале дома міліцыянта. Як паведаміў Павал Сапелка, днямі Аўтуховічу абвясьцілі, што ён лічыцца падазраваным і ў яшчэ адной крымінальнай справе – аб незаконных дзеяньнях са зброяй.
“Прызнаны падазраваным у зьдзяйсьненьні злачынства, прадугледжанага 3-й часткай 295 артыкулу Крымінальнага кодэксу – гэта незаконныя дзеяньні ў адносінах да зброі і боепрыпасаў”.
Найбольшае пакараньне, якое прадугледжана гэтым артыкулам – 8 гадоў зьняволеньня. Паводле адваката, справы, у якіх фігуруе Мікалай Аўтуховіч аб’яднаныя:
“Як я разумею, абедзьве справы аб’яднаныя ў адну вытворчасьць, а Мікалай Аўтуховіч лічыцца арыштаваным за галоўнай сьледчай управай МУС.”
Адвакат таксама паведаміў прозьвішча новага сьледчага, які вядзе справу Аўтуховіча – гэта спадар Клачко. Раней справу прадпрымальніка расьсьледаваў сьледчы Кухаронак з Гародні.
Разам зь Мікалаем Аўтуховічам абвінавачаныя ў падпале дома міліцыянта Юры Лявонаў і Ўладзімер Асіпенка. Як раней паведамляла дачка Лявонава Юля Міхнюк, яе бацька таксама фігуруе ў другой справе, зьвязанай са зброяй, нібыта гранатамётам. Але атрымаць пацьверджаньне гэтаму ад сьледчага Кухаронка мне не ўдалося. Такім чынам, зьвесткі пра другую справу адносна зброі, у якой фігуруюць як найменей Аўтуховіч і Лявонаў, пацьвердзіліся. Адвакат Сапелка толькі ўдакладняе, што абвінавачаньне па гэтай справе не выстаўлена, ягоны падабаронны лічыцца падазраваным.
Сёньня ж з Эмануілам Зэльцэрам у магілёўскай калёніі пабачыўся ягоны адвакат Зьміцер Гарачка. Зэльцэр трымае галадоўку ўжо 2 тыдні. Вось што паведаміў адвакат “Свабодзе”:
“Дакумэнты ніякія не прыйшлі ў калёнію, галадоўка працягваецца, стан здароўя па-ранейшаму – усё горшы. Яго больш хвалюе, чаму ў быццам прававой дзяржаве ён ня можа атрымаць дакумэнтаў, якія неабходны для амністыі паводле закону”.
Паводле адваката, Эмануіл Зэльцэр падпадае пад амністыю, абвешчаную ў сувязі з гадавінай вызваленьня Беларусі. Дакумэнты амэрыканца мусіць разгледзіць камісія ў справе амністыі пры магілёўскай калёніі, але ўжо болей за месяц зь Менскага гарадзкога суду не дасылаюць даведку, безь якой разгляд дакумэнтаў немагчымы. У пачатку чэрвеня адвакат Зьміцер Гарачка паскардзіўся на гэта ў Вярхоўны суд і ў пракуратуру Менска.
Сёньня падчас прэсай канфэрэнцыі генэральны пракурор Рыгор Васілевіч паабяцаў “праверыць”, чаму Зэльцэру не выдаюць дакумэнтаў для ўжываньня адносна яго амністыі.