10 чэрвеня расейская кампанія "Транснефть" пачала будаўніцтва другой чаргі Балтыйскай трубаправоднай сыстэмы (БТС-2) у абход Беларусі.
БТС-2 пройдзе па маршруту Унеча (Бранская вобласьць) — Усьць-Луга (Ленінградзкая вобласьць) з адгалінаваньнем на Кірышскі нафтаперапрацоўчы завод.
Завершыць будаўніцтва Транснефть" плянуе да сярэдзіны 2012 года, перадае РІА “Новости”.
Ідэя будаўніцтва БТС-2 у абход Беларусі ўзьнікла ў студзені 2007 года падчас канфлікту паміж Масквой і Менскам з-за умоваў паставак нафты.