Тыдзень у фатаздымках, 24—30 траўня

30 травень 2009, 16:07

Беларускія падзеі мінулага тыдня ў фатаздымках.

24 траўня, нядзеля



Гарэла менская калёнія № 1

25 траўня, панядзелак

У Магілёве ля новага падземнага пераходу, якія злучае дзьве цэнтральныя гарадзкія магістралі — вуліцу Ленінскую і праспэкт Міру — асунуўся грунт.



Княгіня Альжбэта Радзівіл, дачка апошняга гаспадара Нясьвіскага замка Альбрэхта Радзівіла, яе сын Аба, двое ўнукаў наведалі свае колішнія ўладаньні. Фотаlabadzenka.by



Два гады мінула з дня сьмерці Ўладзі Каткоўскага, знанага беларускага блогера, энтузіяста і першапраходца белнэту.

26 траўня, аўторак

28 маладых палітыкаў падпісалі заяву, у якой заклікалі старэйшых апазыцыянэраў замірыцца дзеля змаганьня за эўрапейскую і дэмакратычную Беларусь.

У Баранавічах будаўніцтва новага корпусу мясцовага унівэрсытэту суправаджаецца зьнішчэньнем лесапарку “Гай”.

Уладзімер Някляеў прэзэнтаваў свой новы зборнік прозы “Цэнтр Еўропы”.

27 траўня, серада



Кампанія “Будзьма!” падвяла вынікі фотаконкурсу “Будзьма беларусамі!”, у якім узялі ўдзел больш за 150 аўтараў з розных мясьцінаў Беларусі, а таксама з розных краінаў сьвету. Прызамі для пераможцаў будуць пэрсанальныя сайты-галерэі ад рэсурсу budzma.org.

28 траўня, чацьвер

У Менск з афіцыйным візытам прыляцеў прэм’ер-міністар Расеі Ўладзімер Пуцін

У краіне адзначылі Дзень памежніка.

У сядзібе партыі БНФ адбылася прэзэнтацыя творчага аб’яднаньня пісьменьнікаў-хрысьціянаў “Дабравест”. Адным са сустаршыняў аб’яднаньня “Дабравест” зьяўляецца палітык Павал Севярынец.

29 траўня, пятніца



У Менску гасьцяваў пераможца конкурсу “Эўрабачаньне” Аляксандар Рыбак.

У Менску павялічыўся попыт на валюту. Менчукі заяўляюць, што баяцца зьніжэньня курсу беларускага рубля.

У Гомелі навучэнцы мэдычнага й дарожна-будаўнічага каледжаў зладзілі інфармацыйна-асьветніцкую акцыю “Абмяняй цыгарэту на цукерку”, прымеркаваную да Ўсясьветнага дня барацьбы з паленьнем.

30 траўня, субота



У Менску ўшанавалі ахвяр трагедыі на Нямізе