Ганс-Герт Пэтэрынг, выступаючы на кангрэсе Эўрапейскай народнай партыі ў Варшаве заявіў:
“Мы павінны дамагчыся, каб беларусы жылі ў свабодзе і дэмакратыі”.
Старшыня Эўрапарлямэнту Ганс-Герт Пэтэрынг заявіў, што Эўрапейская народная партыя заснаваная на прынцыпах дэмакратыі, прававой дзяржавы, салідарнасьці і субсідыярнасьці (разьмеркаваньня паўнамоцтваў). “І мы не павінны захоўваць гэтыя правы толькі для сябе”,-- цытуе спадара Пэтэрынга AFP.
На кангрэсе ЭНП ў Варшаве сабралася каля 2500 дэлегатаў, зь іх больш дзясятка кіраўнікоў урадаў краін Эўразьвязу, а таксама краін, якія жадаюць да яго далучыцца, – Украіны і Грузіі. У якасьці гасьцей на кангрэс запрошаныя прадстаўнікі беларускай апазыцыі.