Прадстаўнік Расейскай праваслаўнай царквы пракамэнтаваў заяву беларускага кіраўніка аб магчымасьці хуткай сустрэчы патрыярха маскоўскага і папы рымскага ў Беларусі.
На думку прадстаўніка Маскоўскага патрыярхату Антонія Ільіна, сустрэча патрыярха Кірыла і папы Бэнэдыкта XVI “не павінна вызначацца неадкладнай палітычнай каньюнктурай”.
У інтэрвію “Інтэрфаксу” з нагоды прапановы А. Лукашэнкі протаіерэй Антоній Ільін зазначыў:
“Сустрэча не павінна быць нейкім шоў перад тэлекамэрамі, а павінна стаць плёнам вельмі сур’ёзнай, удумлівай дыскусіі аб існуючых праблемах, каб сама сустрэча зрабілася не пускавым момантам для іх вырашэньня, а нейкім вынікам сур’ёзных кансультацыяў”.