У Таварыстве беларускай школы адбылася вечарына, прысьвечаная гарадзенскаму празаіку Аляксею Карпюку (1920-1992). Яе вёў гісторык Андрэй Вашкевіч.
Быў паказаны фільм, у якім запісаны ўспаміны ўдавы Іны Карпюк. У ім прагучала “Жаласная песьня”, прысьвечаная пісьменьніку, яе напісаў Яўген Петрашэвіч, які прысутнічаў на сустрэчы. Пра бацьку сказала слова дачка Валянціна Карпюк. Затым гучалі ўспаміны паэткі Дануты Бічэль, прафэсара Аляксея Пяткевіча і іншых гарадзенцаў, якія добра ведалі Аляксея Карпюка.
Прысутным быў прадстаўлены таксама том твораў пісьменьніка “Разьвітаньне з ілюзыямі”, які выпусьціў Рух “За свабоду” у сэрыі “Гарадзенская бібліятэка”.