Актывіста “Маладога фронту” Алеся Любенчука судзяць за тое, што ён здымаў на відэа апэратара, які фіксаваў працэс у справе Зьмітра Хведарука супраць ваенкамата.
Алеся абвінавачваюць паводле двух артыкулаў Адміністрацыйнага кодэксу: дробнае хуліганства і непадпарадкаваньне міліцыі.
Інцыдэнт здарыўся 16 красавіка ў судзе Першамайскага раёна Менску. Тады Алеся затрымала міліцыя, якая даставіла яго ў турму на вуліцы Акрэсьціна. На наступны дзень яго прывезьлі ў суд, але працэс адклалі, каб Алесь меў магчымасьць азнаёміцца з матэрыяламі справы і заключыць дамову з адвакатам.