Міністэрства юстыцыі ня мае адназначнага рашэньня па рэгістрацыі партыі “Беларуская хрысьціянская дэмакратыя”.
Мін’юст прыпыніў сваё рашэньне адмовіць у рэгістрацыі БХД 16 красавіка.
“Зьявілася дадатковая інфармацыя, якая можа зрабіць уплыў на станоўчы вынік дзяржаўнай рэгістрацыі”, – заявілі Інтэрфаксу ў міністэрстве.
“Канчатковае рашэньне будзе прынятае пасьля праверкі атрыманай інфармацыі”, – дадалі суразмоўцы.
“Нас падвешваюць у паветры. Бо невядома, якая колькасьць часу спатрэбіцца Мін’юсту для аналізу і ўдакладненьняў. Зацягваць гэты працэс можна бясконца”, – заявіў сустаршыня БХД Павал Севярынец.
Палітык запэўніў, што актывісты арганізацыі “не намераныя чакаць, і сваю дзейнасьць БХД будзе ажыцьцяўляць у любым выпадку”.
Статутны зьезд партыі БХД адбыўся 28-га лютага.