У Ленінскім судзе Менску асудзілі маладафронтаўцаў Юлю Міхайлаву, Міколу Дземідзенку і Вадзіма Ханяўку, якіх учора затрымалі ля будынку прэзыдэнцкай адміністрацыі. /img/icon-photogallary.gif
13:50 Міколу Дземідзенку аштрафавалі на 1 мільён 575 тысяч ( 45 базавых).
13:35 Вадзіму Ханяўку далі штраф 875 тысяч (25 базавых велічынь).
13:20 Юлію Міхайлаву пакаралі штрафам у 1 мільён 60 тысяч рублёў (30 базавых велічынь).
Актывісты пратэставалі супраць рэпрэсій і разгарнулі на вуліцы расьцяжку “Не палітычнаму тэрору”.
Мікола Дземідзенка і Вадзім Ханяўка скардзіліся на дрэнныя ўмовы ўтрыманьня ў ізалятары на Акрэсьціна.
Маладзёнаў у суд прывёз сам начальнік Ленінскага РУУС.
Маладафронтаўцаў прыйшлі падтрымаць іх паплечнікі і актывісты.
Нагадаем, учора пяць актывістаў “Маладога Фронту” сталі насупраць будынку адміністрацыі прэзыдэнта з расьцяжкай “Не палітычнаму тэрору”.
Супрацоўнікі міліцыі склалі пратаколы на Юлію Міхайлаву, Вадзіма Ханяўку і Міколу Дземідзенку за ўдзел у несанкцыянаваным пікеце. Іх адвезьлі ў турму на завулку Акрэсьціна.
Двух непаўналетніх актывістаў адпусьцілі пад подпіс бацькам. Іх адміністрацыйныя пратаколы будуць разглядацца камісіямі ў райвыканкамах па месцы жыхарства.
