На актывіста арганізацыі “Малады фронт” Сяржука Гумінскага завялі крымінальную справу за ўхіленьне ад службы ў войску.
Маладафронтавец, які вучыцца ў Польшчы, па праграме Кастуся Каліноўскага ў Гданьскім унівэрсытэце, аб'яўлены ў вышук.
Пра гэта на днях даведалася маці актывіста. Ёй паведамілі, што дакумэнты неўзабаве будуць перададзеныя ў пракуратуру.
У мінулым годзе ўлады таксама намагаліся распачаць крымінальны перасьлед супраць маладафронтаўца, але тады пракуратура адмовіла ва ўзбуджэньні справы.