Вядомы незалежны эканаміст Леанід Заіка пракамэнтаваў газавы канфлікт паміж Расеяй і Ўкраінай.
“У эканамічным пляне там спрэчка невялікая, па-сутнасьці на капейкі. Але Расея заняла надзвычай жорсткую пазыцыю, каб дасягнуць адразу некалькі палітычных мэтаў. З прэзыдэнтам Украіны Віктарам Юшчанкам яны ня будуць больш гуляць у нейкія гульні, бо ён для іх прадстаўляе антырасейскі элемэнт. Зь Юліяй Цімашэнка – магчыма, яна больш прарасейская і лягчэй ідзе на нейкія саступкі. А з большага я разглядаю канфлікт як цалкам палітычны. Няма там ніякага эўрапейскага кошту на газ, няма азіяцкага кошту ці антарктычнага кошту – гэта ўсё палітычныя імправізацыі”.