Кіраўнік расейскага Газпрому Аляксей Мілер заявіў пра магчымасьць аднаўленьня паставак газу ў Эўропу праз Украіну ўжо сёньня.
Пастаўкі адновяцца, калі будзе падпісанае пагадненьне аб разьмяшчэньні міжнародных назіральнікаў на аб’ектах газавай інфраструктуры ва Ўкраіне. Масква і Кіеў наблізіліся да пагадненьня ў рэалізацыі гэтага пляну, прапанаванага Эўразьвязам.
Назіральнікі ад Эўразьвязу ўжо прыбылі ў Кіеў. Сёньня ж ва ўкраінскую сталіцу мае прыбыць чэскі прэм’ер Мірэк Тапаланэк, які прадстаўляе старшынства Эўразьвязу.
Паводле Эўрапейскай камісіі для аднаўленьня паставак расейскага газу ў Эўропу праз Украіну патрэбна прынамсі тры дні. Падача газу праз Украіну спыненая ад аўторка. Ад адсутнасьці або недахопу газу церпяць 15 эўрапейскіх краін.
Назіральнікі ад Эўразьвязу ўжо прыбылі ў Кіеў. Сёньня ж ва ўкраінскую сталіцу мае прыбыць чэскі прэм’ер Мірэк Тапаланэк, які прадстаўляе старшынства Эўразьвязу.
Паводле Эўрапейскай камісіі для аднаўленьня паставак расейскага газу ў Эўропу праз Украіну патрэбна прынамсі тры дні. Падача газу праз Украіну спыненая ад аўторка. Ад адсутнасьці або недахопу газу церпяць 15 эўрапейскіх краін.