Незалежны кандыдат у дэпутаты Сяргей Кузьмянок прыйшоў галасаваць на 28-ы выбарчы ўчастак у Горадні, але не знайшоў сябе і жонку ў сьпісах выбаршчыкаў.
Ён кажа, што пятнаццаць гадоў жыве і галасуе ў гэтым месцы, але праблемаў раней ніколі не ўзьнікала. Яго з жонкай унесьлі ў сьпіс для галасаваньня толькі пасьля таго, як ён сказаў, што паведаміць пра здарэньне назіральнікам з АБСЭ.
Сяргей Кузьмянок балятуецца ў Гарадзенска-Занёманскай акрузе N49, на тэрыторыі якой пражывае. Апроч яго, балятуюцца Вадзім Саранчукоў з партыі БНФ, былы палітвязень Аляксандар Васільеў і старшыня гарвыканкаму Аляксандар Антоненка.