Сёньня прадстаўнікі Міністэрства інфармацыі, МЗС і Нацыянальнага цэнтра заканадаўства і прававых дасьледаваньняў павіншавалі журналістаў з новым законам аб СМІ.
Яны расказалі, як будзе прымяняцца гэты закон на практыцы.
Першая намесьніца міністра інфармацыі Лілія Ананіч паведаміла, што ўсе журналісты, якія працуюць у дзяржаўных і недзяржаўных СМІ, у хуткім часе атрымаюць аднолькавыя пасьведчаньні. На пытаньне журналістаў, ці захаваецца практыка, калі на вулічных акцыях журналістаў зь дзяржаўных СМІ прапускаюць і даюць ім інфармацыю, а іншых не прапускаюць і інфармацыі ім не даюць, чыноўніца запэўніла, што ўсе будуць мець роўны статус.
Лілія Ананіч неаднаразова нагадвала, што ў новым законе пра СМІ не напісана, што ў Беларусі трэба рэгістраваць інтэрнэт-выданьні. Разам з тым яна паведаміла, што наконт інтэрнэту будуць распрацоўвацца нормы закону.
На пытаньне “Свабоды” пра сытуацыю зь ліквідацыяй рэгіянальных недзяржаўных грамадзка-палітычных выданьняў Лілія Ананіч адказала наступнае:
“Дзьве траціны ад агульнай колькасьці сродкаў масавай інфармацыі — гэта многа ці мала? Я думаю, што вы ведзяце размову пра сэгмэнт грамадзка-палітычнай прэсы. Думаю, што ў беларускай прэсы цалкам ёсьць вялікія пэрспэктывы разьвіцьця ўва ўсіх яе сэгмэнтах”.
Намесьнік старшыні Беларускай асацыяцыі журналістаў Андрэй Бастунец гэтак пракамэнтаваў заяву спадарыні Ананіч:
“Супрацоўнікі Міністэрства інфармацыі спасылаюцца на 1995 год. На той момант, сапраўды, было зарэгістравана ў Беларусі каля 700 сродкаў масавай інфармацыі. Цяпер іх больш за 1200. Што ж тычыцца грамадзка-палітычных сродкаў масавай інфармацыі, у тым ліку рэгіянальных, то іх колькасьць зьменшылася за гэты час удвая. Паводле падлікаў БАЖ, яна не дасягае і 30.
Ну, магчыма, гэта й ёсьць сьведчаньне дынамічнага разьвіцьця інфармацыйнай прасторы ў Беларусі і далейшых яе пэрспэктываў”.
Лілія Ананіч папярэдзіла, што цяпер рэдакцыі павінны цягам году захоўваць матэрыялы, якія былі надрукаваныя або выйшлі ў эфір.
Тым часам кіраўніца аддзелу прэсавай службы МЗС Марыя Ваньшына запэўніла, што дзейнасьць замежных СМІ на тэрыторыі Беларусі абмяжоўвацца ня будзе. Разам з тым прадстаўніца МЗС папярэдзіла, што працаваць без акрэдытацыі МЗС на тэрыторыі Беларусі замежным СМІ катэгарычна забаронена. Паводле спадарыні Ваньшынай, пакараньнем для парушальнікаў будзе пісьмовае папярэджаньне.
Першая намесьніца міністра інфармацыі Лілія Ананіч паведаміла, што ўсе журналісты, якія працуюць у дзяржаўных і недзяржаўных СМІ, у хуткім часе атрымаюць аднолькавыя пасьведчаньні. На пытаньне журналістаў, ці захаваецца практыка, калі на вулічных акцыях журналістаў зь дзяржаўных СМІ прапускаюць і даюць ім інфармацыю, а іншых не прапускаюць і інфармацыі ім не даюць, чыноўніца запэўніла, што ўсе будуць мець роўны статус.
Лілія Ананіч неаднаразова нагадвала, што ў новым законе пра СМІ не напісана, што ў Беларусі трэба рэгістраваць інтэрнэт-выданьні. Разам з тым яна паведаміла, што наконт інтэрнэту будуць распрацоўвацца нормы закону.
На пытаньне “Свабоды” пра сытуацыю зь ліквідацыяй рэгіянальных недзяржаўных грамадзка-палітычных выданьняў Лілія Ананіч адказала наступнае:
“Дзьве траціны ад агульнай колькасьці сродкаў масавай інфармацыі — гэта многа ці мала? Я думаю, што вы ведзяце размову пра сэгмэнт грамадзка-палітычнай прэсы. Думаю, што ў беларускай прэсы цалкам ёсьць вялікія пэрспэктывы разьвіцьця ўва ўсіх яе сэгмэнтах”.
Намесьнік старшыні Беларускай асацыяцыі журналістаў Андрэй Бастунец гэтак пракамэнтаваў заяву спадарыні Ананіч:
“Супрацоўнікі Міністэрства інфармацыі спасылаюцца на 1995 год. На той момант, сапраўды, было зарэгістравана ў Беларусі каля 700 сродкаў масавай інфармацыі. Цяпер іх больш за 1200. Што ж тычыцца грамадзка-палітычных сродкаў масавай інфармацыі, у тым ліку рэгіянальных, то іх колькасьць зьменшылася за гэты час удвая. Паводле падлікаў БАЖ, яна не дасягае і 30.
Ну, магчыма, гэта й ёсьць сьведчаньне дынамічнага разьвіцьця інфармацыйнай прасторы ў Беларусі і далейшых яе пэрспэктываў”.
Лілія Ананіч папярэдзіла, што цяпер рэдакцыі павінны цягам году захоўваць матэрыялы, якія былі надрукаваныя або выйшлі ў эфір.
Тым часам кіраўніца аддзелу прэсавай службы МЗС Марыя Ваньшына запэўніла, што дзейнасьць замежных СМІ на тэрыторыі Беларусі абмяжоўвацца ня будзе. Разам з тым прадстаўніца МЗС папярэдзіла, што працаваць без акрэдытацыі МЗС на тэрыторыі Беларусі замежным СМІ катэгарычна забаронена. Паводле спадарыні Ваньшынай, пакараньнем для парушальнікаў будзе пісьмовае папярэджаньне.