Мэмарыяльны знак - камень з дошкай на гішпанскай і беларускай мовах - нацыянальнаму герою Вэнэсуэлы Сімону Балівару сёньня адкрыюць у сквэры ягонага імя ў Менску.
Паводле амбасадара Вэнэсуэлы ў Беларусі Амэрыка Дыаса Нуньеса, Менскі гарвыканкам задаволіў просьбу амбасады назваць сквэр на рагу вуліц Захарава і Першамайскай імём Сімона Балівара, героя-вызваліцеля шасьці краін Паўдзённай Амэрыкі, нацыянальнага героя Вэнэсуэлы.