Паўла Севярынца аштрафавалі на 40 базавых велічыняў -1400 тысячаў рублёў.
У Маскоўскім судзе Менску адбыўся працэс над палітыкам Паўлам Севярынцам.
Былога лідэра “Маладога фронту” і палітвязьня Паўла Севярынца прыцягваюць да адміністрацыйнай адказнасьці за быццам незаконны збор 50-ці тысяч подпісаў пад просьбай палепшыць законы, якія рэгулююць рэгістрацыю і дзейнасьць рэлігійных аб’яднаньняў.
У сваім выступе Павал Севярынец патлумачыў, чаму ён не зьвяртаўся з подпісамі ў Цэнтравыбаркам. Ён заявіў, што ЦВК не карыстаецца аўтарытэтам, а вынікі выбараў не прызнаюць у сьвеце. Паводле П.Севярынца, пракуратура падтрымлівае перасьлед вернікаў.
У залі суду знаходзіліся актывісты незарэгістраванай арганізацыі “Малады фронт” Зьміцер Дашкевіч і Наста Палажанка, палітыкі Мікола Статкевіч і Ўладзімер Навасяд.