Лінкі ўнівэрсальнага доступу

Журналістаў Вольгу Чайчыц і Сяргея Краўчука аштрафавалі

абноўлена

Вольга Чайчыц

Суд Дзяржынскага раёну пакараў штрафам журналістаў Вольгу Чайчыц і Сяргея Краўчука на 5 мільёнаў 400 тысяч рублёў кожнага.

Іх зьвінавацілі ў парушэньні адміністрацыйнага артыкула за незаконны выраб і распаўсюд прадукцыі СМІ.

На суд у Дзяржынск прыехалі каля 20 журналістаў, у тым ліку старшыня Беларускай асацыяцыі журналістаў Андрэй Бастунец.

Судзьдзя Шайко забараніла весьці фота- і відэаздымкі і адхіліла хадайніцтва Вольгі Чайчыц пра вядзеньне працэсу па-беларуску.

Падставай для складаньня пратаколаў стаў сюжэт з Фаніпаля, што ў Дзяржынскім раёне Менскай вобласьці, пра нядопуск здымачнай групы на грамадзкае абмеркаваньне генпляну забудовы горада.

Мясцовая міліцыя раздрукавала тэкст і выявы сюжэту з сайта «Белсат» і зьвінаваціла журналістаў у працы без акрэдытацыі на замежнае СМІ.

Вольга Чайчыц заявіла ў судзе, што толькі зьбірала інфармацыю, але не разьмяшчала яе на сайце «Белсата», бо не зьяўляецца супрацоўніцай ні гэтага, ні якога іншага СМІ, перадае прэсавая служба БАЖ. Таму абвінавачваць яе ў «вырабе і распаўсюдзе прадукцыі СМІ» недарэчна. Адзін з герояў сюжэту Ўладзімер Высоцкі расказаў у судзе, што ў дзень здымкаў размаўляў шмат зь якімі журналістамі і ня памятае, ці паказвала яму Вольга Чайчыц нейкія дакумэнты.

Паводле БАЖ, у 2015 годзе журналістаў ужо 16 разоў прызнавалі вінаватымі ў парушэньні артыкула 22.9 КаАП. Агульная сума штрафаў, спагнаных па гэтым артыкуле, перавышае 70 мільёнаў рублёў.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG