Лінкі ўнівэрсальнага доступу

Вёска на Лідчыне патанае ў гноі, а судзіць будуць журналіста Івашкевіча


Станіслаў Івашкевіч, журналіст

Разгляд адміністрацыйнай справы журналіста «Белсату» Станіслава Івашкевіча адбудзецца ў судзе Лідзкага раёну 24 жніўня.

Карэспандэнта вінавацяць у «парушэньні заканадаўства аб СМІ» (ч.2 арт. 22.9 КаАП), яму пагражае штраф у памеры да 50 базавых велічынь (1150 рублёў).

У дачыненьні да Івашкевіча склалі адміністрацыйны пратакол за сюжэт «Вёска ў Лідзкім раёне тоне ў сьвіным гнаі», які выйшаў у эфір у праграме «Абʼектыў» 30 чэрвеня.

Раней Івашкевічу прыйшла позва ў РАУС Ліды, каб «азнаёміцца з матэрыяламі справы», але да міліцыянтаў журналіст не зьявіўся. Копіі адміністрацыйнага пратаколу на руках ён дагэтуль ня мае. Журналіст чакае, што суд яго аштрафуе.

«Я разглядаю гэты суд у кантэксьце агульнага перасьледу калегаў-журналістаў, якім забараняюць займацца сваёй справай», — сказаў ён у камэнтары «Белсату».

Івашкевіч нагадвае, што да нядаўняга часу ён меў акрэдытацыю МЗС, але некалькі месяцаў таму яе скасавалі. Журналіст зьвязвае гэта з выхадам матэрыялу пра карупцыю ў энэргетычнай сфэры ў Беларусі.

калі журналісцкае расьсьледаваньне мае рэзананс, то ўлады, замест таго каб нешта выпраўляць, пачынаюць узмацняць ціск на журналістаў

«У мяне была акрэдытацыя, але яе не працягнулі пасьля таго, як у МЗС паступіла скарга ад „Белэнэрга“. З гэтага можна зрабіць выснову, што калі журналісцкае расьсьледаваньне мае рэзананс, то ўлады, замест таго каб нешта выпраўляць, пачынаюць узмацняць ціск на журналістаў», — кажа Станіслаў Івашкевіч.

Ваша меркаваньне

Паказаць камэнтары

XS
SM
MD
LG