Лінкі ўнівэрсальнага доступу

Выява Жызьнеўскага, прарасейскія карцінкі зь Севастопаля, заклік да барацьбы ў Менску  — у візуальным праекце «Сьцяна»


На трох экранах гледачы бачаць шэсьць дзясяткаў партрэтаў людзей на кантрасьце зь дзясяткамі выяваў графіці.

Аўтары «Сьцяны» — Аляксей Андрэеў, стваральнік альманаху «Монолог», мастачка Ганна Балаш, кінарэжысэрка Галіна Адамовіч і гукарэжысэр Яўген Рагозін.

Ганна Балаш
Ганна Балаш

Прэзэнтацыя адбылася ў творчай прасторы «Корпус 8» у Менску 11 красавіка.

Аляксей Андрэеў
Аляксей Андрэеў

У інтэрвію Свабодзе Аляксей Андрэеў сказаў:

«Графіці на сьценах — гэта як сацыяльныя сеткі, гэта інфармацыйны шум. А мы канцэнтруем увагу на чалавеку».

Графіці фатаграфаваліся ў Менску, Львове, Вільні і Севастопалі.

«Хоць мы напачатку хацелі абмінуць палітыку, не атрымалася. Бо праект пачаў рэалізоўвацца ў 2015 годзе, калі быў пік увагі да Ўкраіны, — дадае Аляксей. — Менск, Львоў, Севастопаль — беларускі, украінскі і расейскі сьветы, якія канкуруюць у адзін час. А Вільня — той маячок, які, прынамсі для ўкраінцаў і беларусаў, сымбалізуе сьвет, зь якім хочацца быць у супольнасьці».

Галіна Адамовіч (у цэнтры)
Галіна Адамовіч (у цэнтры)

На графіці можна ўбачыць выяву Міхаіла Жызьнеўскага, прарасейскія карцінкі зь Севастопаля, сарказм наконт Пуціна ў Вільні ці заклік да барацьбы з рэжымам у Менску.

Тацяна Вадалажская і Ўладзімер Мацкевіч
Тацяна Вадалажская і Ўладзімер Мацкевіч

«У нас крыху больш за шэсьцьдзесят партрэтаў. Намагаліся выйсьці за межы свайго звыклага кола знаёмстваў. У нас ёсьць прадаўцы з Камароўскага рынку, сьвятары, салдаты. Але праўда жыцьця ў тым, што ўсё роўна ў праекце людзі, зь якімі мы зьвязаныя творчымі, делавымі адносінамі. Нават калі прадавец, то той, да якога ходзіш. Калі дзеці, то дзеці знаёмых», — сказаў Аляксей Андрэеў.

Уладзімер Цэсьлер
Уладзімер Цэсьлер

У праекце «Сьцяна» багата вядомых людзей. Сярод іншых дызайнэр Уладзімер Цэсьлер, пісьменьнік Адам Глобус, мэтадоляг Уладзімер Мацкевіч, пісьменьнік і публіцыст Сяргей Дубавец.

Адам Глобус
Адам Глобус

Узрост — ад малых дзяцей і да людзей сталага веку.

Выстава-відэаінсталяцыя працуе да 18 красавіка.

XS
SM
MD
LG