«Гэта вам за Крым» – у Кіеве ўчынілі пагром у офісе «Россотрудничества»

Маладыя людзі з шаўронам «С14», «Традыцыя і парадак» і «Правы сэктар» зайшлі ў суботу ў будынак прадстаўніцтва расейскага Фэдэральнага агенцтва па справах СНД, суайчыньнікаў за мяжой і міжнародным гуманітарным супрацоўніцтве, вядомага як «Россотрудничество», у Кіеве і размалявалі ўнутры сьцены надпісамі: «Далоў ФСБ», «Сьмерць Расеі», «Свабоду палітвязьням» і «Гэта вам за Крым». Актывісты заявілі, што гэта быў «пэрформанс з мэтай прыцягненьня ўвагі да функцыянаваньня ва Ўкраіне адкрыта прарасейскай арганізацыі». На выклік прыехала паліцыя. Пазьней у цэнтар прыехаў яго дырэктар Канстанцін Вараб'ёў, які ўступіў у перапалку з нападнікамі.