Лінкі ўнівэрсальнага доступу

Ужо сёньня: 130-годзьдзе Міколы Равенскага


Дата дня

5 сьнежня 1886 году нарадзіўся кампазытар Мікола Равенскі. Ён пісаў музыку да шэрагу вершаў беларускіх паэтаў і тэксты царкоўных малітваў. Найбольшую вядомасьць Равенскі атрымаў як аўтар музыкі да гімну «Магутны Божа» на словы Натальлі Арсеньневай.

Таксама ў гэты дзень

1917— У Менску пачаўся Першы Усебеларускі зьезд (кангрэс). Кангрэс абвясьціў права беларускага народу на незалежнасьць і самавызначэньне, а таксама прыняцьце дэмакратычнай форму ўраду. У ночы з 17 сьнежня на 18 сьнежня 1917 году Першы Усебеларускі зьезд быў разагнаны бальшавікамі.

Купалаўскі тэатар у Менску
Купалаўскі тэатар у Менску

Будынак менскага гарадзкога тэатру, у якім адбываўся І Усебеларускі кангрэс. Цяпер — Тэатар імя Янкі Купалы.

1936 — у СССР была прынятая сталінская канстытуцыя.

1965 — на Пушкінскай плошчы ў Маскве адбыўся Мітынг галоснасьці — першая публічная акцыя савецкіх дысыдэнтаў.

1994 — на нарадзе кіраўнікоў краінаў АБСЭ быў падпісаны Будапэшцкі мэмарандум. Згодна з гэтым дакумэнтам Вялікабрытанія, ЗША і Расея гарантавалі Беларусі, Казахстану і Ўкраіне бясьпеку і тэрытарыяльную цэласнасьць.

У гэты дзень нарадзіліся

1867 — Юзаф Пілсудскі, польскі дзяржаўны і палітычны дзеяч, першы кіраўнік адроджанай Польшчы.

Юзаф Пілсудскі ў Менску, кадры кінахронікі
Юзаф Пілсудскі ў Менску, кадры кінахронікі

1901 — Ўолт Дыснэй, амэрыканскі мультыплікатар.

1947 — Алесь Разанаў, беларускі паэт і перакладчык.

Алесь Разанаў (зьлева) у Лятучым ўнівэрсытэце, лістапад 2015
Алесь Разанаў (зьлева) у Лятучым ўнівэрсытэце, лістапад 2015

У памяці

1791 — памёр Вольфганг Амадэй Моцарт, аўстрыйскі кампазытар.

1870 — памёр Аляксандар Дзюма-бацька, францускі пісьменьнік.

1925 — памёр Уладзіслаў Рэймант, польскі пісьменьнік, ляўрэат Нобэлеўскай прэміі.

1926 — памёр Клёд Манэ, францускі мастак, пачынальніка імпрэсіянізму.

2013 — памёр Нэльсан Мандэла, прэзыдэнт Паўднёва-Афрыканскай Рэспублікі, Ляўрэат Нобэлеўскай прэміі міру ў 1993 годзе.

Што будзе?

Беларусь наведае кіраўнік верхняй палаты польскага парлямэнту.

Зь ініцыятывы аб’яднаньня «Пэрспэктывы» адбудзецца форум прадпрымальнікаў.

«Трэба вяртаць павагу да ўлады...», — апазыцыйная дэпутатка Палаты прадстаўнікоў пабывала на магілёўскіх рынках

Сэнат ЗША пачне разгляд кандыдатуры адстаўнога генэрала Мэтыса на пасаду кіраўніка Пэнтагону.

Дональд Трамп і Джэймс Мэтыс пасьля сустрэчы ў штаце Нью-Джэрзі 19 лістапада
Дональд Трамп і Джэймс Мэтыс пасьля сустрэчы ў штаце Нью-Джэрзі 19 лістапада

Трамп абраў адстаўнога генэрала на пасаду кіраўніка Пэнтагону

Адукацыя і кіно

Курсы «Мова нанова»

Тэма заняткаў: «Гісторыя Эўропы вачыма беларусаў». Госьць заняткаў – гісторык і грамадзкі дзеяч Алег Трусаў. Музычны госьць – Ільля Фаляжынскі, які нядаўна выдаў свой дэбютны альбом.

Менск, ГЦ «Цівалі», (вул.Прытыцкага, 29, аўдыторыя № 366)

Пачатак а 18:30.

Уваход вольны.

Лекцыя «Старажытны Эгіпет: магія і сьмерць»

Тацяна Зайдаль прачытае лекцыю ў межах аўтарскага курсу па гісторыі мастацтваў, які праходзіць зараз у прасторы «Цэх». У межах лекцыі будуць разглядацца шэдэўр спадчыны Старажытнага Эгіпту.

Менск, прастора «Цэх» (вул. Кастрычніцкая 16).

Пачатак а 19:00.

Удзел каштуе 4 рублі.

Кінафэстываль «Чалавечая годнасьць, роўнасьць, справядлівасьць»

На працягу фэстывалю з 1 па 10 сьнежня менскія гледачы змогуць паглядзець стужкі пра чалавека і яго годнасьць, барацьбу за шчасьце насуперак абставінам. У межах кінафэсту 5 сьнежня будзе прадстаўлены польскі фільм «Хочацца жыць».

Менск, кінатэатар «Перамога» (Інтэрнацыянальная вул., 20).

Пачатак у 19:00.

Уваход вольны.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG