Рэзалюцыя абавязвае ўсе бакі канфлікту спыніць баявыя дзеяньні супраць грамадзянскага насельніцтва. ААН узяла на сябе абавязак арганізаваць перамоўны працэс паміж Дамаскам і апазыцыяй, які пачнецца ў студзені 2016 году, паведамляе Бі-бі-сі.
Рэзалюцыя была выпрацавана падчас канфэрэнцыі Міжнароднай групы падтрымкі Сырыі пры ўдзеле прадстаўнікоў МЗС 17 краін. Дарожная мапа прадугледжвае спыненьне агню, распрацоўку канстытуцыі на працягу 6 месяцаў, выбары на працягу 18 месяцаў, а таксама стварэньне адзінага антытэрарыстычнага фронту.
Рэзалюцыя падкрэсьлівае, што рашэньне пра будучыню краіны можа прымаць толькі сырыйскі народ.
