На полі каля вёскі Альшаньнікі-2 упаў лёгкаматорны самалёт невядомай канструкцыі.
Пра гэта паведамляе Міністэрства па надзвычайных сытуацыях.
Выпратавальнікі знайшлі лётчыка, заблякаванага ў самалёце.
Паводле папярэдняй інфармацыі, ён зьяўляецца кіраўніком авіягуртка шклоўскага цэнтру дзіцячай творчасьці «Прамень».
Супрацоўнікі МНС вызвалілі лётчыка з кабіны і перадалі яго хуткай мэдычнай дапамозе для шпіталізацыі.
Прычыны падзеньня самалёта карэспандэнту Свабоды ў прэс-службе МНС не патлумачылі.
Пілёт знаходзіцца ў лякарні Круглянскага раёну.