У рамках дэкамунізацыі ў сталіцы Ўкраіны на былой плошчы Дзяржынскага пачалі дэмантаваць помнік чэкістам.
Манумэнт вельмі моцны, таму яго разбураюць пры дапамозе гідрамолата. Гэта выклікае пратэсты мастацтвазнаўцаў, якія сьцьвярджаюць, што помнікі варта перадаваць у будучы музэй таталітарызму ў максымальна аўтэнтычным выглядзе.
Пакуль месца для стварэньня гэтага музэю ня выдзелена, усе дэмантаваныя помнікі будуць захоўвацца на пляцоўцы кіеўскага аэрапорту «Жуляны».
