Падзеі мінулага тыдня на фотаздымках сусьветных агенцтваў 12-18 сакавіка 2016
Стоп-кадры тыдня: РПЦ і космас, нягоды мігрантаў, Масьленіца
1
Мігранты ў чарзе па суп у імправізаваным лягеры каля грэцкай вёскі Ідамэні, дзе сабраліся тысячы ўцекачоў, спыненыя блякадай эўрапейскіх межаў. (AFP/Daniel Mihailescu)
2
Праваслаўны сьвятар бласлаўляе касмаплаў Саюз ТНА-20М перад запускам з касмадрому Байканур у Казахстане, 17 сакавіка. (AFP/Kirill Kudryavstev)
3
Цыганка стаіць на каленях і плача перад шыхтом паліцыянтаў падчас пратэстаў у пасёлку Пляханаве ў Тульскай вобласьці Расеі, 17 сакавіка. (TASS/Sergei Starikov)
4
Афганскія акторы ў п'есе, у якой расказваецца пра забойства Фархунды Малікзады ў Кабуле. У выніку фальшывага абвінавачаньня ў спаленьні Карана, яе зьбілі палкамі і камянямі, скінулі з даху, пераехалі машынай, падпалілі і кінулі ў раку. Паліцыя была побач і назірала за ўсім гэтым. (AFP/Shah Marai)
5
Маленькі мігрант у лягеры ўцекачоў на грэцка-македонскай мяжы, 16 сакавіка. (epa/Nake Batev)
6
Бітае шкло на дарозе пасьля выбуху бомбы ў аўтобусе ў пакістанскім горадзе Пэшавары, 16 сакавіка. (epa/Bilawal Arbab)
7
Прарасейская сэпаратыстка займае агнявую пазыцыю ў будынку школы ў вёсцы Зайцава Данецкай вобласьці. (epa/Alexander Ermochenko)
8
Ваяўнік групоўкі Джэйш-уль-Іслам бяжыць у сховішча каля лінію фронту ў раёне Жобар на ўсходняй ускраіне Дамаску. (AFP/Amer Almohibany)
9
Селянін зьбірае ўраджай брокалі ў горадзе Аль-Ансарыя на поўдзень ад лібанскага Сідону. (Reuters/Ali Hashisho)
10
Кіргіскія паляўнічыя з сваімі залатымі арламі на сьвяце паляўнічых Салбурун у вёсцы Алыш каля Нарыну, за 350 кілямэтраў ад Бішкеку. (AFP/Vyacheslav Oseledko)
11
Мігранты на бродзе праз раку каля грэцка-македонскай мяжы на захад ад грэцкай вёскі Ідамэні. (Reuters/Stoyan Nenov)
12
Маладыя акторкі рыхтуюцца да адзначэньня Масьленіцы ў казаскім Байкануры. (AFP/Kirill Kudryavtsev)
13
Чалавек узлазіць на слуп падчас сьвяткаваньня Масьленіцы ў парку Горкага ў Маскве. (Reuters/Maxim Shemetov)
Катэгорыі
- Мультымэдыя
- Відэа
