Сярод камуністычнага кіраўніцтва было прынята прылюдна цалавацца ў вусны падчас урачыстых сустрэчаў. Пасьля распаду СССР некаторыя выхадцы з намэнклятуры захавалі гэтую звычку, але цяпер яна ўжо адмірае.
Мужчынскі пацалунак у савецкім стылі. ФОТАГАЛЕРЭЯ
1
Савецкі дыктатар Ёсіф Сталін даволі скептычна глядзіць на лётчыка Валерыя Чкалава (справа), які рыхтуецца да пацалунку ў 1936 годзе.
2
Пацалунак Сталіна і лётчыка Васілія Молакава ў 1937 годзе.
3
Салдаты Чырвонай арміі цалуюцца пасьля абвяшчэньня перамогі над нацысцкай Нямеччынай. «Сацыялістычны братні пацалунак» лічыўся праявай роўнасьці, у адрозьненьне ад звычаю цалаваць рукі вышэйшым у герархіі ў часы арыстакратыі.
4
Савецкі лідэр Мікіта Хрушчоў (трэці зьлева) сустракае касманаўтаў пацалункамі.
5
Яшчэ адзін пацалунак Хрушчова ў 1962 годзе.
6
Савецкі лідэр Леанід Брэжнеў (у цэнтры) удасканаліў мастацтва пацалунка. На гэтым фота ён цалуецца ў 1980 годзе ў Крыме з Канстанцінам Чарненкам, які пазьней на кароткі час стаў кіраўніком СССР.
7
Брэжнеў цалуецца зь яшчэ адным чальцом палітбюро Мікалаем Падгорным у 1975 годзе.
8
Знакаміты пацалунак Брэжнева і лідэра Нямецкай Дэмакратычнай Рэспублікі Эрыка Гонэкера ў 1979 годзе пазьней намалявалі на мурале ў Бэрліне.
9
А тут з Гонэкерам цалуецца ўжо іншы савецкі кіраўнік Міхаіл Гарбачоў.
10
І яшчэ адзін пацалунак паміж гэтай парай, у 1986 годзе, за тры гады да падзеньня бэрлінскага муру.
11
Адзін з апошніх уладных пацалункаў СССР. Кіраўнік Савету міністраў Іван Сілаеў цалуе тэніснага чэмпіёна Андрэя Чаркасава.
12
Прэм'ер-міністар Расеі Віктар Чарнамырдзін (зьлева) і прэм'ер-міністар Беларусі Вячаслаў Кебіч цалуюцца ў урадавай машыне ў 1994 годзе.
13
Прэзыдэнта Расеі Ўладзіміра Пуціна цалуе вэтэран вайны ў 2005 годзе.
14
Стары камуніст Ушангі Давіташвілі цалуе бюст Сталіна, які паставіў у сваім садзе ў Тбілісі, 2012 год.
15
Аляксандар Лукашэнка сустракае Ўладзімера Пуціна ў часе саміту краінаў СНД у Менску. За сэкунду да пацалунку?
Катэгорыі
- Мультымэдыя
- Відэа
