Лінкі ўнівэрсальнага доступу

Статкевіч заклікае да грамадзянскага супраціву


Мікалай Статкевіч
Мікалай Статкевіч

Былы кандыдат у прэзыдэнты, палітычны вязень Мікалай Статкевіч праз сваю жонку Марыну Адамовіч зьвярнуўся да беларусаў і заклікаў іх падчас галасаваньня «зрабіць свой допіс у бюлетэні, які б выразна сьведчыў пра непрыманьне палітыкі правячага рэжыму».

«Хачу падзякаваць усім, хто ўвайшоў у склад ініцыятыўнай групы па маім вылучэньні.

Я разумею, што ў нашым напалоханым грамадзтве гэта — учынак, і дзякую ўсім, хто зьдзейсьніў гэты ўчынак. Такая падтрымка важная ня толькі для мяне, але і для ўсіх тых, хто знаходзіцца ў зьняволеньні з-за сваіх перакананьняў.

Будзем шчырымі, удзел апазыцыі ў апошніх прэзыдэнцкіх кампаніях меў сэнс найперш як магчымасьць арганізаваць масавы пратэст супраць шоў, у якое ўлады ператварылі выбары, і паспрабаваць вярнуць краіну да дэмакратыі.

Цяпер ніводны з альтэрнатыўных кандыдатаў такой задачы ня ставіць. Я ня бачу вялікага сэнсу ў такім удзеле. Акрамя таго, удзел часткі апазыцыі робіць малаэфэктыўным байкот выбараў. У такіх варунках я заклікаю тых, хто ня згодны з роляй статыстаў у чарговым спэктаклі, да грамадзянскага супраціву.

Я заклікаю тых, хто ўсё ж прыйдзе альбо будзе вымушаны прыйсьці на выбарчыя ўчасткі, зрабіць свой допіс у бюлетэні для галасаваньня, які б выразна сьведчыў аб непрыманьні палітыкі правячага рэжыму. Упэўнены, што калі гэты сыгнал будзе масавы, ён дойдзе да адрасата.

Будзьце вольнымі ў сваіх поглядах і паводзінах. Калі вольных людзей зробіцца дастаткова, мы здолеем здабыць волю і для краіны», — піша Мікалай Статкевіч.

ЦВК адмовіўся зарэгістраваць ініцыятыўную групу Мікалая Статкевіча, спаслаўшыся на тое, што кандыдатам у прэзыдэнты ня можа быць судзімы чалавек. Пазьней Вярхоўны суд адмовіўся разглядаць скаргу жонкі палітвязьня Марыны Адамовіч, якая хацела аспрэчыць гэтае рашэньне.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG