Лінкі ўнівэрсальнага доступу

Справа «Мілкавіты» супраць журналіста Карманава паступіла ў эканамічны суд


Юры Карманаў
Юры Карманаў

Пазоў ААТ «Мілкавіта» да журналіста Юрыя Карманава тычыцца абароны дзелавой рэпутацыі. Рашэньне пра перадачу справы гомельскага вытворцы малочнай прадукцыі супраць журналіста прыняла судзьдзя Маскоўскага раёну Менску Алена Рудніцкая.

Як напісала ў «Фэйсбуку» прэс-сакратарка Вярхоўнага Суду Беларусі Юлія Ляскова, пра дату судовага пасяджэньня эканамічнага суду будзе паведамлена дадаткова.

У суд на Карманава падало ААТ «Мілкавіта» — так яно адрэагавала на расьсьледаваньне Юрася Карманава, апублікаванае 25 красавіка 2016 году. Журналісты знайшлі фэрму Мікалая Чубянка пры самым Палескім дзяржаўным радыяцыйна-экалягічным запаведніку. Фэрмэр расказаў, што завод «Мілкавіты» ў Хвойніках штодня прымае ад ягонай фэрмы 2 тоны малака. Дасьледаваўшы на запыт журналіста Карманава ўзор малака з чубянковай фэрмы, Менскі гарадзкі цэнтар гігіены і эпідэміялёгіі зафіксаваў перавышэньне дапушчальнай нормы наяўнасьці стронцыю-90 у 10 разоў (37,5 Бк/кг стронцыю пры норме 3,7 Бк/кг).

Аўтар расьсьледаваньня лічыць, што сутнасьць справы «не ў малацэ, а ў хваравітай рэакцыі дзяржавы на журналісцкае расьсьледаваньне».

Ён заўважае, што матэрыял зьмяшчаў адразу некалькі фактаў, якія павінны былі б прыцягнуць увагу дзяржаўных органаў, і што ў Беларусі няма агульнадаступнага кантролю за трансуранавымі элемэнтамі, у прыватнасьці за амэрыцыем.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG