«У Слоніме няма заробкаў, больш за 200 рублёў»
Удзельнікі акцыі па ходніках ідуць да будынку райвыканкаму, дзе іх чакаюць прадстаўнікі мясцовых уладаў. Людзі скардзяцца на маленькія заробкі і пэнсіі, на звальненьні і немагчымасьць уладкавацца на працу. Кажуць, што ў Слоніме немагчыма знайсьці працу з заробкам больш за 200 рублёў. Жанчыны кажуць, што іх мужы і сыны вымушаныя працаваць у Расеі.
На 16-ю гадзіну 19 сакавіка быў анансаваны таксама «Марш недармаедаў» у Баранавічах. Яшчэ да пачатку маршу былі затрыманыя актывіст РЭП Рыгор Грык і сябра БНФ Мікалай Чарнавус. За мінулы баранавіцкі «Марш недармаедаў», які адбыўся 26 лютага, актывістаў каралі штрафамі і турмой.
«Плошча — ня месца для абмеркаваньня», — улады ў Слоніме
У Слоніме пачалася акцыя супраць дэкрэту № 3. У цэнтры гораду сабралася некалькі соцен чалавек. Да ўдзельнікаў выйшла прадстаўніца мясцовых уладаў прапануе прайсьці ў будынку райвыканкаму і абмеркаваць пытаньні, якія хвалююць людзей.
«Плошча — ня месца для абмеркаваньня», — сказала прадстаўніца ўладаў.
«Чым плошча кепская? Да вас зайсьці немагчыма. Там міліцыя, будуць абшукваць», — адказваюць людзі.
Жывая відэатрансьляцыя са слонімскай акцыі «недармаедаў»